08:42, 11 - ءساۋىر 2022 | GMT +5
بيىل 1 ميلليون ادام عانا قاجىلىق پارىزىن وتەي الادى
نۇر- سۇلتان. قازاقپارات - ساۋد ارابياسى بيىل مەككەدە قاجىلىق پارىزىن وتەگىسى كەلگەن 1 ميلليون ادامدى عانا قابىلداماق، دەپ حابارلايدى انادولۋ اگەنتتىگى.
ساۋد ارابياسىنىڭ قاجىلىق جانە ۋمرا مينيسترلىگى 2022 -جىلى قاجىلىق پارىزىن وتەۋ ءۇشىن كەلەتىن ادام سانىنا شەكتەۋ ليميتىن ەنگىزدى. ياعني، پارىزىن وتەۋگە مەككەگە تەك 1 ميلليون ادام عانا جىبەرىلەدى. بۇل - جەرگىلىكتى جانە شەتەلدىك قاجىلاردى قامتيتىن سان.
سونداي- اق، قاجىلىققا كەلەتىن ادامدارعا قويىلاتىن تالاپ تا كۇشەيدى: ولار 65 جاستان اسپاعان جانە كوۆيد-19 ينفەكسياسىنا قارسى ۆاكسينا العان بولۋى ءتيىس. ودان بولەك، قاجىلىققا كەلگەندەردىڭ الىنعانىنا 72 ساعات وتپەگەن پ ت ر تەستىسى بولۋ كەرەك.
2020 -جىلى كوروناۆيرۋس پاندەمياسىنا بايلانىستى بار- جوعى 60 مىڭ ادام عانا قاجىلىق پارىزىن وتەدى جانە ولاردىڭ ءبارى ساۋد ارابياسىنىڭ تۇرعىنى ەدى. شەت مەملەكەتتەردىڭ ازاماتتارىنا ەلگە قاجىلىققا كەلۋگە رۇقسات بولمادى.
اۆتور: ەربول جانات
