بۇكىل ەلدە 1- ناۋرىز كۇنى قۇلاقتاندىرۋ دابىلى ىسكە قوسىلادى
توتەنشە جاعداي مينيسترلىگىنىڭ مالىمەتىنشە، حالىقتى قۇلاقتاندىرۋ جانە حاباردار ەتۋ - تۇرعىنداردى تابيعي قۇبىلىستاردىڭ ءارتۇرلى فاكتورلارىنىڭ اسەرىنەن بولاتىن اپاتتىڭ نەمەسە جويقىن اسەردىڭ تەرىس سالدارىنان قورعاۋعا مۇمكىندىك بەرەتىن نەگىزگى قاۋىپسىزدىك شاراسى.
قۇلاقتاندىرۋ جۇيەسىن تەكسەرۋ بارىسىندا ەلەكتر دابىلدارىن جانە سيرەنالىق-سويلەۋ قۇرىلعىلارىن (داۋىس زورايتقىشتاردى) قىسقا مەرزىمگە قوسۋ، سونداي-اق تەلەديدار جانە راديوارنالارىنىڭ ەفيرىن ۇستاپ الۋدى جۇزەگە اسىرۋ، ينتەرنەت-رەسۋرستار مەن موبيلدى قوسىمشالاردا اقپاراتتى ورنالاستىرۋ كوزدەلەدى.
«بارشانىڭ نازارىنا!!!» دىبىستىق سيگنالى - بۇل قاۋىپ تونگەن نەمەسە توتەنشە جاعداي تۋىنداعان كەزدە بارلىق شۇعىل حابارلامالاردى بەرۋدىڭ الدىندا حالىقتىڭ نازارىن اۋدارۋ ءۇشىن بەرىلەتىن ەسكەرتۋ سيگنالى.
دىبىستىق سيگنالدى ەستىگەن كەزدە تەلەديدارلار مەن راديوقابىلداعىشتاردى قوسۋ كەرەك، ينتەرنەت-رەسۋرستارداعى جانە موبيلدى قوسىمشالارداعى اقپاراتتى تۋىنداعان جاعدايدا ودان ءارى ارەكەت ەتۋ تۋرالى نۇسقاۋلار الۋ ءۇشىن وقىپ شىعۋ كەرەك. سونىمەن قاتار، قاۋىپتى وندىرىستىك وبەكتىلەر مەن گيدروتەحنيكالىق قۇرىلىستارداعى جەرگىلىكتى قۇلاقتاندىرۋ جۇيەلەرىنىڭ جارامدىلىعى تەكسەرىلەتىن بولادى.
قۇلاقتاندىرۋ جۇيەسىنە رەسپۋبليكالىق تەكسەرۋ جۇرگىزۋ قۇلاقتاندىرۋ جابدىعىن ازىرلىكتە ۇستاۋعا جانە حالىقتى ىقتيمال توتەنشە جاعدايلاردان قورعاۋعا باعىتتالعان.