الماتى اۋەجايىندا 1 ميلليارد تەڭگەدەن استام دەكلاراتسيالانباعان اقشا انىقتالدى
2021 -جىلى الماتى اۋەجايى ارقىلى شەت ەلدەرگە دەكلاراتسيالانباعان 1068683092 تەڭگەنى جەكە تۇلعالار قولما- قول الىپ كەتپەكشى بولعان. بۇل تۋرالى مەملەكەتتىك كىرىستەر كوميتەتى حابارلادى.
الماتى قالاسى بويىنشا مەملەكەتتىك كىرىستەر دەپارتامەنتى 2021 -جىلدىڭ قاڭتارى مەن جەلتوقسانى ارالىعىندا ق ر ا ق ب ت ك 551-بابى بويىنشا 116 اكىمشىلىك ءىس تولتىرىپ (تاۋارلاردى، قولما- قول اقشا قاراجاتىن، اقشا قۇرالدارىن دەكلاراتسيالاماۋ نەمەسە انىق ەمەس كەدەندىك دەكلاراتسيالاۋ، كەدەندىك قۇجاتتارداعى مالىمەتتەردى انىق ەمەس مالىمدەۋ)، ق ر قىلمىستىق كودەكسىنىڭ بەلگىلەرى بار 4 فاكتىنىڭ جولىن كەسكەن.
دەكلاراتسيالانباعان قولما- قول قاراجات سوماسى - 1068683092 تەڭگە، وسى بۇزۋشىلىقتار بويىنشا ايىپپۇل - 3383720 تەڭگەدەن استام . مىسالدارمەن قاراستىرايىق: 11.10.2021 -جىلى «الماتى- فرانكفۋرت» اۋە رەيسىنىڭ كەدەندىك باقىلاۋىنان وتكەننەن كەيىن ۇشۋ زالىندا ق ر ازاماتى توقتاتىلدى، وندا 37000 ەۆرو مولشەرىندە دەكلاراتسيالانباعان اقشا قاراجاتى انىقتالدى، اكىمشىلىك قۇقىق بۇزۋشىلىق تۋرالى ءىس تولتىرىلىپ، 29170 تەڭگە مولشەرىندە ايىپپۇل سالىندى جانە ءوندىرىلدى.
10.08.2021 -جىلى الماتى قالاسىنىڭ حالىقارالىق اۋەجايىنىڭ ۇشۋ زالىندا №140 اۋە رەيسىنە كەدەندىك باقىلاۋدى جۇزەگە اسىرعاننان كەيىن، «تبيليسي- الماتى» قاتىناسىمەن بەلارۋس رەسپۋبليكاسىنىڭ ازاماتى توقتاتىلدى، وندا 30000 ا ق ش دوللارى مولشەرىندە قولما- قول اقشا قاراجاتى تابىلدى، اكىمشىلىك قۇقىق بۇزۋشىلىق تۋرالى ءىس تولتىرىلىپ، 29170 تەڭگە مولشەرىندە ايىپپۇل سالىندى جانە ءوندىرىلدى.
26.07.2021 -جىلى «جەتىسۋ» كەدەن بەكەتىنىڭ قىزمەتكەرلەرى الماتى قالاسىنىڭ حالىقارالىق اۋەجايىنىڭ ۇشۋ زالىندا «الماتى- تاشكەنت» باعىتىنداعى №127 رەيسىمەن ۇشىپ شىققان ق ر ازاماتىن ۇستادى. ۇستاۋ كەزىندە 100500 ا ق ش دوللارى ، سونداي- اق 85000 تەڭگە سوماسىندا دەكلاراتسيالانباعان اقشا قاراجاتى انىقتالدى. ماتەريال ودان ءارى تەرگەۋ ءۇشىن الماتى قالاسى بويىنشا ە ت د ق ر ا ف م- نە بەرىلدى.
05.06.2021 -جىلى الماتى قالاسىنىڭ حالىقارالىق اۋەجايىنىڭ ۇشۋ زالىندا №1721 «دۋباي- الماتى» اۋە رەيسىنە كەدەندىك باقىلاۋدى جۇزەگە اسىرعاننان كەيىن ق ر ازاماتى توقتاتىلدى، وندا 90000 ا ق ش دوللارى سوماسىندا قاراجات تابىلدى. ماتەريال ودان ءارى تەرگەۋ ءۇشىن الماتى قالاسى بويىنشا ە ت د- عا بەرىلدى.
مەملەكەتتىك كىرىستەر كوميتەتىندە اتاپ وتكەندەي، تاۋارلاردى كەدەندىك دەكلاراتسيالاۋ كەزىندە جەكە تۇلعالار 10000 (ون مىڭ) ا ق ش دوللارى بالاماسىنا تەڭ نەمەسە ودان اسپايتىن جالپى سوماداعى قولما- قول شەتەل ۆاليۋتاسىن جانە (نەمەسە) قولما- قول ۇلتتىق ۆاليۋتانى (باعالى مەتالداردان جاسالعان مونەتالاردى قوسپاعاندا) جانە جول چەكتەرىن كەدەندىك دەكلاراتسياسىز قازاقستان رەسپۋبليكاسىنا اكەلۋگە نەمەسە قازاقستان رەسپۋبليكاسىنان اكەتۋگە قۇقىلى.
كەدەندىك دەكلاراتسيالاۋ وتكىزىلەتىن قولما- قول اقشانىڭ جانە جول چەكتەرىنىڭ شىعۋ تەگى مەن ماقساتى تۋرالى مالىمەتتەردى كورسەتە وتىرىپ، اكەلىنەتىن نەمەسە اكەتىلەتىن قولما- قول شەتەل ۆاليۋتاسىنىڭ، قولما- قول ۇلتتىق ۆاليۋتانىڭ جانە جول چەكتەرىنىڭ بارلىق سوماسىنا جازباشا نىساندا كەدەندىك دەكلاراتسيا بەرۋ ارقىلى جۇزەگە اسىرىلادى.