شەتەل ازاماتى اقمولا تۇرعىنىنىڭ اتىنا 1 ميلليون تەڭگە نەسيە راسىمدەگەن
اقمولا وبلىستىق پوليتسيا دەپارتامەنتىنىڭ مالىمەتىنشە، پ د كريمينالدى پوليسيا باسقارماسى مەن بولىمشەلەرىنىڭ قىزمەتكەرلەرى «Hi-Tech» رەسپۋبليكالىق جەدەل- الدىن الۋ ءىس- شاراسى اياسىندا اقپاراتتىق تەحنولوگيالاردى پايدالانا وتىرىپ جاسالعان قىلمىستى اشتى.
«اقكول اۋداندىق پوليسيا ءبولىمىنىڭ كەزەكشىلىك بولىمىنە 49 جاستاعى جەرگىلىكتى تۇرعىن جۇگىندى. ونىڭ سوزىنشە، قىركۇيەكتىڭ 8-دە بەيتانىس ادام وعان ءوزىن قاۋىپسىزدىك قىزمەتىنىڭ قىزمەتكەرى رەتىندە تانىستىرعانىن جانە AnyDesk قاشىقتان قول جەتكىزۋ باعدارلاماسىن پايدالانا وتىرىپ، ونىڭ اتىنا جالپى سوماسى 1 ملن تەڭگە نەسيە رەسىمدەگەن»، - دەپ تولىقتىردى ۆەدومستۆودان.
جەدەل- ىزدەستىرۋ ءىس- شارالارى بارىسىندا نۇر- سۇلتان قالاسىندا رەسەي فەدەراتسياسىنىڭ قىلمىستىق كودەكسىنىڭ 111-بابى 1-بولىگى بويىنشا قىلمىستىق جاۋاپكەرشىلىككە تارتىلعان 39 جاستاعى تاتارستان رەسپۋبليكاسىنىڭ تۇرعىنى ۇستالدى.
«وسىعان بايلانىستى اقمولا وبلىسى پد تەرگەۋ باسقارماسى قىلمىستىق كودەكستىڭ 190-بابىنىڭ 2-بولىگى «الاياقتىق» بويىنشا سوتقا دەيىنگى تەرگەۋدى باستادى. كۇدىكتى ۋاقىتشا ۇستاۋ يزولياتورىنا قامالدى»، - دەپ تولىقتىردى ۆەدومستۆودان.
