قازاقستاندىق 1 مىڭ ەكسپورتتاۋشى شەتەل نارىعىنا شىعا الادى

بۇل تۋرالى ەلىمىزدىڭ ۇلتتىق ەكونوميكا ءمينيسترى اسەت ەرعاليەۆ ءمالىم ەتتى، دەپ حابارلايدى قازاقپارات ءتىلشىسى.

«شيكىزاتتىق ەمەس ەكسپورتتى ىلگەرىلەتۋ باعىتىنداعى جۇمىس جالعاسىن تابادى. ەكسپورتتىق اكسەلەراتسيا باعدارلاماسى شەتەلدە كاسىبىن دوڭگەلەتىپ جۇرگەن ەكسپورتتاۋشىلاردىڭ مۇمكىندىگىن ارتتىرسا، سالاعا ەندى كەلگەندەر ءۇشىن ۇلكەن قولداۋ بولادى. سونداي- اق، كاسىبىن ەل كولەمىنەن تىس جەردە دامىتقىسى كەلگەن 1 مىڭ بەلسەندى ەكسپورتتاۋشىنىڭ سىرتقى نارىققا شىعۋعا مۇمكىندىك جاسالادى. جانە Alibaba, Amazon, OZON سەكىلدى ءىرى ساۋدا پلاتفورماسىنا وتاندىق 350-گە جۋىق ەكسپورتتاۋشىنى شىعارۋ جاعى قاراستىرىلىپ جاتىر»، - دەدى اسەت ەرعاليەۆ و ك ق- دە وتكەن باسپا ءسوز ءماسليحاتىندا.

سونىمەن قاتار مينيستر ەكسپورتپەن شۇعىلداناتىن كاسىپكەرلەردى مەملەكەتتىك قولداۋدىڭ تاعى بىرنەشە تەتىگىن اتاپ بەردى.

«ولاردىڭ قاتارىندا ەكسپورتتىق قارجىلاندىرۋ جانە ساقتاندىرۋ. ەكسپورتتاۋشىلاردىڭ شىعىنى وتەۋ. اتاپ ايتقاندا، ساۋدا الاڭىن جالعا الۋدى تولەپ بەرۋ، شەتەلدىك سەرتيفيكاتتاۋدان وتۋدە سۇيەمەلدەۋ، اككرەديتاتسيا، ينسپەكتسيا جانە تاۋاردى شەتەلدە جارنامالاۋ. ودان بولەك، وتاندىق ەكسپورتتاۋشىلار شەتەلدىك ارىپتەستەرىمەن ءوزارا تاجىريبەك الماسىپ، سەرىكتىستىك قارىم- قاتىناس ورناتۋ ماقساتىندا حالىقارالىق ءتۇرلى ءىس- شارالارعا قاتىساتىن بولادى»، - دەيدى ول.

ونىڭ ايتۋىنشا، اتالعان شارالار جۇزەگە اسقان جاعدايدا شيكىزاتتىق ەمەس ەكسپورت كولەمى 2 ەسەگە ارتىپ، 41 ميلليارد ا ق ش دوللارىن قۇرايتىن بولادى. بۇعان دەيىن اسەت ەرعاليەۆ ۇلتتىق جوبا اياسىندا قازاقستاندىق كاسىپكەرلەردىڭ شەتەلدە تاعىلىمدامادان وتەتىنىن ءمالىم ەتتى.

اۆتور: ءالي يبرايەۆ