ەلوردانىڭ ۇزدىك مۇعالىمدەرى 1 ميلليون تەڭگەدەن سىيلىق الدى
بۇل تۋرالى ەلوردا اكىمى التاي كولگىنوۆ الەۋمەتتىك جەلىدەگى پاراقشاسىندا جازدى، دەپ حابارلايدى قازاقپارات.
التاي كولگىنوۆ ەلوردانىڭ ۇزدىك مۇعالىمدەرىمەن كەزدەسىپ، ولاردى كاسىبي مەرەكەسىمەن قۇتتىقتادى.
«ەل باسشىلىعى مۇعالىمدەردىڭ جاعدايىن جاساۋعا جانە ولاردى قولداۋعا ەرەكشە كوڭىل بولەدى: 2024 -جىلعا دەيىن جىل سايىن پەداگوگتەردىڭ جالاقىسى %25 عا ارتىپ، بىلىكتىلىكتى ارتتىرۋ بويىنشا باعدارلامالار ەنگىزىلدى، سول سياقتى جوعارى وقۋ ورىندارىنا گرانتتار ءبولىندى. بۇعان قوسا قولايلى جۇمىس ىستەۋ جانە وقۋشى ورىندارىمەن قامتاماسىز ەتۋ ءۇشىن جىل سايىن وقۋ ورىندارى سالىنىپ جاتىر. بيىل 15 مەكتەپ سالىنىپ، پايدالانۋعا بەرىلەدى. بۇل شامامەن 40 مىڭ وقۋشى ورنىن قۇرۋعا مۇمكىندىك بەرەدى. سالىستىرار بولساق 2020 -جىلدان ەكى ەسە، 2019 -جىلدان ءتورت ەسە كوپ» - دەدى اكىم جەلىدە.
سونداي- اق ول ۇستازدارعا ارناپ الەۋمەتتىك تۇرعىن ءۇي سالىپ، تۇرعىن ءۇي سەرتيفيكاتتار بەرىلىپ جاتقانىن تىلگە تيەك ەتتى. «بۇگىن «نۇر-سۇلتان قالاسىنىڭ قۇرمەتتى پەداگوگى» اتانعان مۇعالىمدەر 1 ميلليون تەڭگە كولەمىندە اقشالاي سىيلىقتارمەن ماراپاتتالدى. بۇل اقشالاي ماراپات وتكەن جىلدان باستاپ ەنگىزىلدى.
سونداي-اق «قازاقستان رەسپۋبليكاسى ءبىلىم بەرۋ ءىسىنىڭ قۇرمەتتى قىزمەتكەرى» جانە ق ر ب ع م «ى. التىنسارين» توسبەلگىلەرى، ديپلومدار بەرىلدى. ال №7 «اققۋ» بالاباقشاسىنا، №85 مەكتەپ- ليتسەيىنە جانە Astana Polytechnic جوعارى كوللەدجىنە 7 ميلليون تەڭگەدەن گرانتتار بەرىلدى»، - دەپ توىقتىردى ول.
