تانىسىنىڭ اتىنان 1 ميلليون تەڭگە نەسيە العان سەمەيلىك ۇستالدى
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، پوليسياعا قوڭىراۋ شالعان ازامات ءوز اتىنا تانىسىنىڭ نەسيە راسىمدەگەنىن ايتىپ شاعىمداندى. بەلگىلى بولعانداي، جابىرلەنۋشىنىڭ جەكە قۇجاتتارىن پايدالانعان 24 جاستاعى ەر ادام بانكتەردىڭ بىرىنەن 1 ميلليون تەڭگە مولشەرىندە نەسيە العان.
«جەدەل- ىزدەستىرۋ شارالارىن جۇرگىزگەن ءتارتىپ ساقشىلارى بۇرىن سوتتالماعان، جۇمىسسىز جەرگىلىكتى تۇرعىندى ۇستادى. اتالعان فاكتى بويىنشا وعان ق ر ق ك- ءنىڭ 190-بابى 1-بولىگىنە سايكەس سوتقا دەيىنگى تەرگەۋ امالدارى باستالدى»، - دەلىنگەن حابارلامادا.
ۆەدومستۆو وكىلدەرىنىڭ دەرەگىنشە، پوليسيا قىزمەتكەرلەرىمەن جۇرگىزىلىپ جاتقان الاياقتىق فاكتىلەرىنىڭ الدىن الۋ شارالارىنا قاراماستان، جۇرت اراسىندا ءالى كۇنگە دەيىن بەيتانىس ادامدارعا سەنىپ، اڭعالدىق تانىتىپ جاتقاندار از ەمەس. سوندىقتان الەۋمەتتىك جەلىلەر مەن مەسسەندجەرلەر ارقىلى جەكە باستى كۋالاندىراتىن قۇجاتتاردى ەشكىمگە جىبەرمەۋ قاجەت.
