10:49, 02 - قىركۇيەك 2021 | GMT +5
بەيبىت اتامقۇلوۆ الەۋمەتتىك نىسانداردا 1 شارشى مەتر قۇرىلىستىڭ شەكتى قۇنىن بەلگىلەۋدى ۇسىندى
نۇر- سۇلتان. قازاقپارات - الەۋمەتتىك نىسانداردا 1 شارشى مەتر قۇرىلىستىڭ شەكتى قۇنىن بەلگىلەۋ كەرەك.
بۇل تۋرالى ۇكىمەت وتىرىسىندا ق ر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ ايتتى، دەپ حابارلايدى قازاقپارات ءتىلشىسى.
«مينيسترلىك جوبالاۋدىڭ باستاپقى كەزەڭىندە بولجامدى قۇنىن ەسەپتەۋ ءۇشىن «ونلاين- كالكۋلياتور» جۇيەسىن ىسكە قوستى. ستاتيستيكالىق دەرەكتەر نەگىزىندە سمەتالىق باعالاردى قالىپتاستىرۋ بويىنشا «ك د س- ستات» اقپاراتتىق جۇيەسى ەنگىزىلدى»، - دەدى ول. ءمينيستردىڭ اتاپ وتۋىنشە، جوبالىق شەشىمدەردى كوپ مارتە قولدانۋ جانە بىركەلكى قابىلداۋ ءۇشىن «جوبالىق سمەتالىق قۇجاتتامانىڭ ءبىرىڭعاي ەلەكتروندىق بانكى» قۇرىلدى.
«مەملەكەتتىك قاراجات ەسەبىنەن سالىناتىن الەۋمەتتىك نىسانداردا 1 شارشى مەتر قۇرىلىستىڭ شەكتى قۇنىن بەلگىلەۋ ۇسىنىلادى»، - دەدى بەيبىت اتامقۇلوۆ.
