قىزىلوردادا اۋلاسىندا 1 مىڭنان تۇپتەن استام سورا وسىرگەن تۇرعىن ۇستالدى
قىزىلوردا وبلىسى پوليسيا دەپارتامەنتىنىڭ ەسىرتكى قىلمىسىنا قارسى ءىس- قيمىل باسقارماسى قىزىلوردا قالاسىنىڭ 48 جاستاعى تۇرعىنىن ۇستادى. ونىڭ اۋلاسىنان مىڭ تۇپتەن اسا سورا وسىمدىگى تابىلدى. ولاردىڭ ءارقايسىسى 3-4 مەتر بيىك بولىپ وسكەپ، باپتالعان. سونىمەن قاتار سورا كەپتىرىلىپ دايىندالعان. پوليتسيا 2 قاپقا جانە كولەمى 5 ليتر بولاتىن 5 دانا پلاستيك ىدىسقا نىعىزدالىپ سالىنعان ءشوپ ۇنتاعىن تاپتى. بۇل زاتتار تاركىلەندى، تاعايىندالعان ساراپتاما قورىتىندىسىنا سايكەس، اتالعان ازاماتتان جالپى سالماعى 320 كەلىدەن اساتىن 1089 ءتۇپ سورا وسىمدىگى جانە 4 كەلىدەن اساتىن ماريحۋانا تاركىلەندى.
«كۇدىكتىدەن جاۋاپ الۋ بارىسىندا ول اسا ءىرى كولەمدەگى ەسىرتكىنى ءوزى تۇتىناتىن ايتتى. اراسىندا كولەڭكە جولمەن قاراجات تابۋ ماقساتىندا ساتاتىنىن مويىنداعان. كۇدىكتى قىزىلوردا قالالىق پوليسيا باسقارماسىنىڭ ۋاقىتشا ۇستاۋ اباقتىسىنا قامالدى. ونىڭ ۇستىنەن ق ر قىلمىستىق كودەكسىنىڭ 300-بابى 2-بولىگىمەن جانە 296-بابىنىڭ 4-بولىگىنە سايكەس تەرگەپ- تەكسەرۋ امالدارى جۇرگىزىلۋدە»، - دەپ ءمالىم ەتتى قىزىلوردا وبلىستىق پوليسيا دەپارتامەنتىنەن.
ەسكە سالساق، بۇدان بۇرىن قىزىلوردادا پوليتسەيلەر اسا ءىرى كولەمدەگى سينتەتيكالىق ەسىرتكىنىڭ جولىن كەستى.