19:22, 16 - تامىز 2021 | GMT +6
شوتلاندياداعى كينلوح سارايى 1 ەۋروعا ساتىلادى
نۇر-سۇلتان.قازاقپارات -شوتلانديادا رام ارالىندا ورنالاسقان كينلوح سارايى ساتۋعا قويىلدى. يەسى ونى بار بولعانى 1 ەۋروعا بەرۋگە دايىن، ءبىراق قوياتىن شارتتارى بار.
سارايدىڭ جاڭا قوجايىنى تاريحي ارحيتەكتۋرالىق ەسكەرتكىشتى قالپىنا كەلتىرۋدى تولىق قارجىلاندىرۋعا مىندەتتەلۋى كەرەك. بۇل تۋرالى The Sun باسىلىمى جازادى.
بۇل تاريحي نىسان لانكاشيرتۋماسى، توقىما ماگناتى سەر دجوردج باللوۋدىڭ جەكە رەزيدەنتسياسى رەتىندە سالىنعان. كەزىندە ونىڭ اكەسى ارالدى ساتىپ العان.
ونىڭ قۇرىلىسى 1897 -جىلى باستالىپ، 1900 -جىلى اياقتالدى. ءبىر قىزىعى ساراي ءتىپتى ءوزىنىڭ باستاپقى ينتەرەرىن ساقتاپ قالعان. عيمارات قازىرگى ۋاقىتتا NatureScot-تىڭ مەنشىگىندە، ءبىراق ۇيىم ونىڭ جوندەۋ جۇمىستارىن قارجىلاندىرا المايدى. جۇمىستىڭ قۇنى، الدىن الا ەسەپتەۋلەر بويىنشا، 23,6 ميلليون ەۋرو تۇرادى.
NatureScot سارايدىڭ جاڭا يەسى ونى قالپىنا كەلتىرىپ، رام ارالىن تانىمال تۋريستىك جەرگە اينالدىرادى دەپ ۇمىتتەنەدى.
massaget.kz