الماتىدا جاڭا وقۋ جىلىندا 1-سىنىپقا قانشا بالا بارادى
«الماتى قالاسىندا 287 جالپى ءبىلىم بەرەتىن مەكتەپ جۇمىس ىستەيدى، ونىڭ ىشىندە 207 مەملەكەتتىك جانە 80 جەكە مەنشىك. 2021-2022 وقۋ جىلىندا 1-سىنىپتان 11-سىنىپقا دەيىنگى وقۋشىلاردىڭ الدىن الا بولجام بويىنشا كونتينگەنتى 300 مىڭعا جۋىق بالا. بۇگىنگى كۇنى ءبىرىنشى سىنىپقا 30 مىڭعا جۋىق بالا قابىلداندى»، - دەدى باسقارما باسشىسى. سونىمەن قاتار، ول العاشقى قوڭىراۋ قالاي وتەتىنىنە توقتالدى.
«ءبىلىم كۇنى مەكتەپ اۋماعىندا اشىق اۋادا ساپ تۇزەپ، بارلىق مەكتەپتەردىڭ 1-سىنىپ وقۋشىلارىنا الىپپە/بۋكۆار تابىس ەتىلەدى (ەرىپ جۇرۋشىلەر سانى شەكتەۋلى). 2-11 -سىنىپ وقۋشىلارى ءۇشىن بەكىتىلگەن كابينەتتەردە سىنىپ ساعاتى وتەدى»، - دەدى ول.
ءلاززات جىلقىبايەۆا مەكتەپ فورماسىنا قويىلاتىن تالاپ ساقتالاتىنىن ايتتى. ءبىلىم مەكەمەسىنە كلاسسيكالىق ستيلدەگى ىڭعايلى كيىممەن كەلۋگە رۇقسات ەتىلەدى.