مەكتەپتەردە 1-قىركۇيەك كۇنى سالتاناتتى شارالار قالاي ۇيىمداستىرىلادى
بۇل تۋرالى بۇگىن ۇكىمەت وتىرىسىندا ق ر ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى قازاقپارات ءتىلشىسى.
«1-قىركۇيەكتە بولاتىن ءبىلىم كۇنى سالتاناتتى ءىس- شاراسى ءداستۇرلى فورماتتا، مەكتەپ اۋماعىندا 1-سىنىپ وقۋشىلارى ءۇشىن ۇيىمداستىرىلادى. ولارعا سالتاناتتى تۇردە العاشقى وقۋلىعى الىپپە تابىستالادى. ال 2 مەن 11-سىنىپ وقۋشىلارى تىكەلەي بەكىتىلگەن كابينەتتەرگە بارىپ، سوندا تاقىرىپتىق سىنىپ ساعاتتارىنا قاتىساتىن بولادى»، - دەدى اسحات ايماعامبەتوۆ.
سونىمەن قاتار مينيستر مەكتەپ فورماسىنا قاتىستى دا اقپاراتپەن ءبولىستى.
«جاڭا وقۋ جىلىندا مەكتەپ فورماسى نەگىزىنەن ساقتالادى. ءبىراق، پاندەميا جاعدايىنا بايلانىستى مەكتەپكە كلاسسيكالىق ۇلگىدەگى ىڭعايلى كيىممەن كەلۋگە دە رۇقسات بەرۋ بويىنشا شەشىم قابىلداندى»، - دەدى ول. ونىڭ اتاپ وتۋىنشە، بارلىق ءبىلىم بەرۋ ۇيىمدارىندا سيفرلىق پلاتفورمالارعا قولجەتىمدىلىك قامتاماسىز ەتىلەتىن بولادى.