11:15, 04 - شىلدە 2021 | GMT +6
قاراعاندىدا كوپقاباتتى ءۇيدىڭ تەرەزەسىنەن 1 جاسار بالا قۇلاپ كەتتى
قاراعاندى. قازاقپارات - قاراعاندىدا ءۇشىنشى قاباتتا ورنالاسقان پاتەردىڭ تەرەزەسىنەن ءبىر جاسار بالا قۇلاپ كەتتى، دەپ حابارلايدى قازاقپارات ءتىلشىسى.
ءسابي جانساقتاۋ بولىمىندە جاتىر، جاعدايى اۋىر. 2- شىلدە كۇنى ساعات 19.00 كەزىندە قاراعاندى قالاسىندا ءۇشىنشى قاباتتا ورنالاسقان پاتەردىڭ تەرەزەسىنەن 2020-جىلى تۋعان بالا ابايسىزدا قۇلاپ قالعان. بالا اۋرۋحاناعا جەتكىزىلدى.
«بالا جان ساقتاۋ بولىمىندە. جاعدايى اۋىر، تۇراقتى. گەموديناميكا تۇراقتى. كوپتەگەن جارالار، جۇمساق تىندەردىڭ جاراقاتتارى بار»، - دەپ حابارلادى قاراعاندى وبلىسى دەنساۋلىق ساقتاۋ باسقارماسىنىڭ باسپا ءسوز قىزمەتى.
ەرەسەكتەر تاراپىنان تيىسىنشە قاداعالاماۋ - بالالاردىڭ جاراقاتتانۋى مەن ءولىمىنىڭ نەگىزگى سەبەبى.
وسىعان بايلانىستى قۇتقارۋشىلار اتا-انالاردان كىشكەنتاي بالالاردى مۇقيات باقىلاۋىن كۇشەيتۋدى، ولاردى تەرەزەلەرى اشىق ءۇي-جايلاردا جالعىز قالدىرماۋدى سۇرايدى.
