جەتى كۇندە 1 رەت پ ت ر-تەستى قانداي مەكەمە قىزمەتكەرلەرى تاپسىرۋعا مىندەتتى - جاڭا قاۋلى
اتالعان قۇجاتقا سايكەس كوروناۆيرۋسقا قارسى ۆاكسينا الماعانى ءۇشىن قىزمەتكەرلەرى 7 كۇندە 1 رەت پ ت ر- تەست تاپسىرۋ مىندەتتەلەتىن ۇيىمداردىڭ ءتىزىمى كەڭەيتىلدى، دەپ حابارلايدى قازاقپارات ءتىلشىسى.
اتاپ ايتقاندا مىندەتتى پ ت ر- تەستىلەۋ (7 كۇندە 1 رەت) ەنگىزىلەدى:
- حالىقتىڭ تۇرۋى بويىنشا قىزمەتتەر كورسەتۋ سالاسىنداعى وبەكتىلەردىڭ (قوناق ۇيلەر، وتەلدەر، حوستەلدەر، موتەلدەر، جاتاقحانالار، كەمپينگتەر جانە تاعى باسقالار)؛
- جولاۋشىلار تاسىمالىن جۇزەگە اسىراتىن ۇيىمداردىڭ، اۋەجايلاردىڭ، تەمىرجول، اۆتوموبيل جانە سۋ ۆوكزالدارىنىڭ، وزەن جانە تەڭىز پورتتارىنىڭ، اۆتوستانتسيالار/اۆتووتپە جولدارىنىڭ، جولاۋشىلارعا قىزمەت كورسەتۋ پۋنكتەرىنىڭ؛
- ءبىلىم بەرۋ جانە تاربيەلەۋ ۇيىمدارىنىڭ، ونىڭ ىشىندە ءبىلىم بەرۋ دامىتۋ جانە تۇزەتۋ ورتالىقتارىنىڭ (ەرەسەكتەر مەن بالالارعا ارنالعان)، وقۋ- وندىرىستىك كومبيناتتاردىڭ جانە باسقا دا مەكتەپتەن تىس ۇيىمداردىڭ ۆاكسيناتسيالانباعان جۇمىسكەرلەرىنە (تۇراقتى مەديتسينالىق قارسى كورسەتىلىمدەرى بار جانە سوڭعى 3-اي ىشىندە COVID-19-بەن اۋىرىپ جازىلعان ادامداردى قوسپاعاندا).
سونىمەن قاتار قاۋلىدا 2021 -جىلعى 15-شىلدەگە دەيىنگى مەرزىمدە (تۇراقتى مەديتسينالىق قارسى كورسەتىلىمدەرى بار جانە سوڭعى 3 اي ىشىندە COVID-19-بەن اۋىرىپ جازىلعان ادامداردى قوسپاعاندا) ۆاكسينانىڭ ءبىرىنشى كومپونەنتىمەن، ال 2021 -جىلعى 15-تامىزعا دەيىنگى مەرزىمدە COVID-19-عا ۆاكسينانىڭ ەكىنشى كومپونەنتىمەن پروفيلاكتيكالىق ەگۋلەر جۇرگىزۋدى ۇيىمداستىرۋ قاجەتتىگى كورسەتىلگەن. قۇجاتتىق تولىق ءماتىنى.
