موڭعوليا 1-ماۋسىمنان باستاپ شەكاراسىن اشتى

موڭعوليا 2021 -جىلدىڭ 1-ماۋسىمىنان باستاپ رەسمي ءوز شەكاراسى اشتى. ناتيجەسىندە ەل ازاماتتارى تۇركيا، ا ق ش، بىرىككەن اراب امىرلىكتەرى، گرەكيا، قىرعىزستان، تايلاند، برازيليا، ەگيپەت جانە ءۇندىستان قاتارلى شەكاراسى اشىق وننان استام ەلگە بارا الادى.

الەمنىڭ 110 نان استام ەلى، سونىڭ ىشىندە رەسەي، قىتاي، وڭتۇستىك كورەيا، جاپونيا جانە وزگە ەۋروپا ەلدەرى شەكارالارىن جارتىلاي نەمەسە تولىق جاۋىپ، شەتەلدىكتەرگە ۆيزا بەرۋدى توقتاتقان بولاتىن. ول ەلدەرگە تەك تۇراقتى ۆيزاسى بار شەتەلدىك كىرە الادى.

موڭعوليا ازاماتتارى ەركىن ساياحاتتايتىن ەلدەر سانىن كوبەيتۋ ماقساتىندا موڭعوليا ۇكىمەتى تاراپىنان كوروناۆيرۋسقا قارسى ۆاكسيناتسيالانعان ازاماتتارعا ۆاكسينا سالدىرعانىن راستايتىن كۋالىك بەرىپ، ونى زاڭدى دەپ تانۋ ءۇشىن قىتاي، رەسەي، وڭتۇستىك كورەيا، قازاقستان رەسپۋبليكاسى، ماجارستان جانە وزگە ەۋروپا ەلدەرىمەن ديپلوماتيالىق كەلىسسوزدەر جۇرگىزىلىپ جاتىر.

ەسكە سالا كەتسەك، كوروناۆيرۋسقا قارسى ۆاكسيناتسيانىڭ تولىق كۋرسىن (ەكى كومپونەنتىن) العان شەت مەملەكەت ازاماتتارىنا موڭعولياعا كەلۋگە رۇقسات بەرۋ ماسەلەسى ەلدىڭ ۇكىمەت وتىرىسىندا قارالعان بولاتىن.