ەلىمىزدە 1- ماۋسىم كۇنى وتەتىن ماڭىزدى شارالار اڭداتپاسى
نۇر-سۇلتان
9.00 دە ۇكىمەت ۇيىندە ۇكىمەت وتىرىسى وتەدى. كۇن تارتىبىندە ەلدەگى سانيتاريالىق- ەپيدەميولوگيالىق جاعداي، تۇركىستان وبلىسىن الەۋمەتتىك-ەكونوميكالىق دامىتۋدىڭ 2021-2025-جىلدارعا ارنالعان كەشەندى جوسپارى، بالالاردىڭ قۇقىقتارىن قورعاۋ جانە قاۋىپسىزدىگىن قامتاماسىز ەتۋ شارالارى قارالادى.
ۇكىمەت وتىرىسى PrimeMinister.kz سايتىندا جانە الەۋمەتتىك جەلىلەردەگى رەسمي اككاۋنتتارىندا ونلاين رەجيمدە كورسەتىلەدى.
10.50 دە ەلورداداعى پرەزيدەنت پاركىندە ازياداعى ءوزارا ىقپالداستىق جانە سەنىم شارالارى جونىندەگى كەڭەس اللەياسىنىڭ العاشقى كوشەتتەرى وتىرعىزىلادى.
13.00 دە ورتالىق ساياباقتا جازعى دەمالىس قارساڭىندا بالالاردىڭ قاۋىپسىزدىگىن قامتاماسىز ەتۋ، بالالاردىڭ جاراقاتتانۋ پروبلەماسىنا نازار اۋدارۋ جانە حالىقارالىق بالالاردى قورعاۋ كۇنىنە وراي ەلوردالىق ت ج دەپارتامەنتى «قاۋىپسىزدىك بالالار كوزىمەن» اتتى اۋقىمدى اكسيا وتكىزەدى.
