سولتۇستىك وڭىرلەردىڭ رەسەي باعىتىنداعى ەكسپورتتىق الەۋەتى 1 ميلليارد دوللار – ساۋدا ءمينيسترى
بۇل تۋرالى ۇكىمەت وتىرىسىندا ق ر ساۋدا جانە ينتەگراتسيا ءمينيسترى باقىت سۇلتانوۆ ءمالىم ەتتى، دەپ حابارلايدى قازاقپارات ءتىلشىسى.
«سولتۇستىك قازاقستان وبلىسىن دامىتۋ جونىندەگى كەشەندى جوسپاردىڭ 53-تارماعىندا ساۋدا- لوگيستيكالىق حاب قۇرۋ كوزدەلگەن. ساۋدا جانە ينتەگراتسيا مينيسترلىگى سولتۇستىك قازاقستان وبلىسى اكىمدىگىمەن بىرلەسىپ بۇل ماسەلەنى پىسىقتادى. اتالعان جوبا ىسكە اسىرۋ ەكى كەزەڭنەن تۇرادى. ءبىرىنشى كەزەڭدە ۇلتتىق تاۋار وتكىزۋ جۇيەسى اياسىندا كوتەرمە- تاراتۋ ورتالىقتارى قۇرىلادى. ەكىنشى كەزەڭدە ول ساۋدا-لوگيستيكالىق حاب رەتىندە جالعاستىرىلادى. قازىرگى ۋاقىتتا ۇلتتىق تاۋار وتكىزۋ جۇيەسىن قۇرۋدىڭ ءبىرىنشى كەزەڭى ۇلتتىق ەكونوميكا مينيسترلىگىنىڭ ەكونوميكالىق ساراپتاماسى اياقتالۋ ساتىسىندا. قۇرىلىس جۇمىستارى اعىمداعى جىلدىڭ ءساۋىر ايىنا جوسپارلانعان»، - دەدى مينيستر.
ونىڭ ايتۋىنشا، ۇلتتىق تاۋار وتكىزۋ جۇيەسىن قۇرۋدىڭ ەكىنشى كەزەڭى 7 كوتەرمە- تاراتۋ ورتالىعىن، ونىڭ ىشىندە پەتروپاۆل قالاسىنداعى ساقتاۋ - كوتەرمە- تاراتۋ ورتالىعىن قۇرۋدى كوزدەيدى.
«ءبىرىنشى كەزەڭدە جيناقتالعان تاجىريبەنى ەسكەرە وتىرىپ، قۇرىلىس جۇمىستارى بيىلدىڭ قىركۇيەك ايىنا جوسپارلانعان. قازاقستاننىڭ سولتۇستىك وڭىرلەرىنىڭ ەكسپورتتىق الەۋەتى رەسەيدىڭ ءسىبىر، سولتۇستىك جانە قيىر شىعىس وڭىرلەرىنە شامامەن 1 ميلليارد دوللاردى قۇرايدى. وسىعان بايلانىستى پەتروپاۆل قالاسىنداعى كوتەرمە- تاراتۋ ورتالىعىن تولىققاندى ونەركاسىپتىك، ساۋدا جانە لوگيستيكالىق حابقا ودان ءارى دامىتۋعا كوزدەلىپ وتىر. حابتىڭ ماماندانۋىن قازاقستاننىڭ سولتۇستىك وڭىرلەرىندەگى اۋىل شارۋاشىلىعى ونىمدەرىن، سونداي- اق مينەرالدار، كومىر، سەمەنت جانە باسقا دا تاۋارلاردى جۇزەگە اسىرۋعا باعىتتاۋدى ۇسىنامىز»، - دەدى باقىت سۇلتانوۆ. «سولتۇستىك قازاقستان وبلىسى 592,3 مىڭ توننا كارتوپ جانە 37 مىڭ توننا ءسابىز وندىرەدى. كاسىپورىنداردىڭ ۇلەسى شامامەن 100 مىڭ توننانى قۇرايدى، ال قالعان بولىگى جەكە ءۇي شارۋاشىلىقتار ارقىلى وندىرىلەدى. پەتروپاۆل قالاسىندا ساقتاۋ - كوتەرمە- تاراتۋ ورتالىعىن قۇرۋ اۋىل شارۋاشىلىعى تاۋارىن وندىرۋشىلەردى 50 شاقىرىم راديۋستا ساقتاۋ الاڭدارىمەن قامتاماسىز ەتۋگە مۇمكىندىك بەرەدى جانە ماعجان جۇمابايەۆ اتىنداعى اۋداندى، قىزىلجار، مامليۋت، اققايىڭ اۋداندارىن قامتيدى. سولتۇستىك قازاقستان وبلىسىنىڭ اكىمدىگىمەن پەتروپاۆل قالاسىنا جەر تەلىمىن ءبولۋ ماسەلەسى پىسىقتالدى. 21,3 گەكتارالاڭدا قويمالار مەن تەمىرجول بەكەتى بار. ساۋدا- لوگيستيكالىق حابتى قۇرۋ ءوڭىردىڭ دامۋىنا، باسەكەگە قابىلەتتى وندىرىستەرگە، ءونىمنىڭ جاڭا تۇرلەرىن يگەرۋگە، ءوڭىردىڭ اۋىل شارۋاشىلىعى ونىمدەرىن ساقتاۋعا جانە ينۆەستيتسيالار تارتۋعا قوسىمشا سەرپىن بەرەدى»، - دەدى منيستر.
ايتا كەتەيىك، بۇگىن ۇكىمەت وتىرىسىندا قر ۇلتتىق ەكونوميكا ءمينيسترى اسەت ەرعاليەۆ سولتۇستىك قازاقستان وبلىسىنىڭ 2021-2025 -جىلدارعا ارنالعان الەۋمەتتىك- ەكونوميكالىق دامۋىنىڭ كەشەندى جوسپارىن تانىستىردى. پرەمەر- مينيستر اسقار مامين جوسپار ى ءوڭىردىڭ ينفراقۇرىلىمىن جاقسارتاتىنىن اتاپ ءوتتى.
