ارمەنيادان اكەلىنگەن كولىكتەر 1- ناۋرىزعا دەيىن تىركەۋ ءنومىرىن الۋى ءتيىس
الايدا، تەمىر تۇلپار يەلەرى ءالى دە قازاقستاندىق ءنومىردى الماعان. سەبەبى، جۇرگىزۋشىلەر ءتيىستى تالاپتى ورىنداعانمەن، زاڭ ءالى جەتىلدىرىلمەگەن دەگەن پىكىر بار. ارمەنيادان كەلگەن كولىكتەردىڭ ءنومىرىن جەرگىلىكتىگە اۋىستىرۋدىڭ ەكى جولى بار. ەگەر اۆتوكولىك زاۋىتتان سول جاق رولمەن شىقسا، مامانداندىرىلعان ح ق ك و- عا بارىپ، 12 مىڭ تەڭگە تولەيسىز. سول كەزدە سىزگە قازاقستاندىق سارى ءنومىردى بەرەدى. ياعني ەل اۋماعىندا ەمىن- ەركىن جۇرە الاسىز. ءبىراق تەمىر تۇلپاردى ساتۋعا مۇمىكىندىك جوق. ەگەر ءرولى وڭنان سولعا اۋىسقان بولسا، وندا جاعداي قيىن. ويتكەنى ونداي اۆتوكولىكتەردىڭ اقاۋى كوپ. ونى تىركەۋگە قوياتىن تالاپ تا قاتاڭ.
ەدۋارد ەدوكوۆ، تاۋەلسىز اۆتوموبيل وداعىنىڭ ءتوراعاسى:
- مەنىڭ ويىمشا، وڭ جاق ءرولدى نەمەسە ءرولى تەرىس جاققا اۋىستىرىلعان كولىكتەر وتە قاۋىپتى. سونداي- اق ارميان كولىكتەرىنىڭ يەلەرى مىندەتتى تىركەۋلەرى جوق بولعاندىقتان جولدا ويىنا كەلگەندەرىن ىستەۋى مۇمكىن. وسى رەتتە زاڭدى قاتاڭداتۋ شاراسى دۇرىس دەپ سانايمىن.
ارينە، زاڭ بارلىعىنا ورتاق. دەگەنمەن، مۇنى قۇلاققا ىلمەي جۇرگەندەر دە كەزدەسەدى. بار بولعانى ۇلتتىق ساراپتاما جانە سەرتيفيكاتتاۋ ورتالىعىندا زاڭداستىرىلۋى ءتيىس. ياعني كولىك تەحنيكالىق رەگلامەنتتىڭ تالاپتارىنا ساي بولۋى كەرەك. اۆتوكولىك يەلەرى تۇراقتى تارتىپتە تىركەپ، كەدەندىك باج بەن ۋتيليزاتسيالىق سومانى تولەۋى قاجەت. الايدا، وڭ جاق ءرولدى كولىگىڭىز بولسا بۇل تالاپتاردى ورىنداۋ قيىنعا تۇسەدى. شەتەلدىك كولىك يەلەرى بۇل تالاپتارعا قارسىلىق ءبىلىدىرىپ وتىر. ويتكەنى ارمەنيادان ارزان باعاعا اكەلگەن اۆتوكولىكتى ساتۋعا دا مۇمكىندىك جوق.
سۇلتان دوسجان، قالا تۇرعىنى:
- بۇل ماشينانى مەن ادال ەڭبەگىممەن زاڭدى تۇردە ارمەنيا رەسپۋبليكاسىنان ساتىپ العان كولىك. ويتكەنى قازاقستاندا وسىنداي ساپاداعى كولىكتى وسى سوماعا ساتىپ الا المايمىن. اۆتوسالونداردا بارلىعى كرەديتپەن بەرىلەدى. ويتكەنى باعا ەكى ەسە ارزان. كەيىن شىعارعان قاۋلىسى زاڭسىز. 1 -ناۋرىزدان كەيىن نە بولاتىنى بەيمالىم. تەمىر تۇلپار يەلەرىنە ايىپپۇل سالىنا ما جوق پا ول دا ءالى بەلگىسىز. بۇل ساۋالمەن ىشكى ىستەر مينيسترلىگىنە جۇگىندىك. ازىرگە جاۋاپ جوق.
www.24.kz
