قازاقستاندا 1- ناۋرىزدا ارمەنيادان اكەلىنگەن كولىكتەردى تىركەۋ اياقتالادى
قازاقستان اۋماعىنا 2020-جىلدىڭ 1- اقپانىنا دەيىن اكەلىنگەن كولىكتەردى راسىمدەۋگە بولادى، دەپ حابارلايدى قازاقپارات.
نۇر-سۇلتان قالالىق پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، ەلوردادا اۆتوكولىكتى 20-40 كوشەسىندەگى مامانداندىرىلعان حالىققا قىزمەت كورسەتۋ ورتالىعىندا دۇيسەنبى مەن سەنبى ارالىعىندا 9.00-16.30 ارالىعىندا تىركەۋگە بولادى. سونداي-اق 2021-جىلدىڭ 3- اقپانىنان باستاپ ەلوردادا كولىكتەردى قاۋىپسىزدىك حاتتاماسىنان وتكىزەتىن (رۋلى وڭ جاقتان سول جاققا اۋىستىرىلعان، قايتا جابدىقتالعان اۆتوكولىكتەر) «ۇلتتىق ساراپتاما جانە سەرتيفيكاتسيالاۋ ورتالىعى» ا ق سىناق ورتالىعى جۇمىسىن باستادى.
سىناق ورتالىعىنا اۆتوكولىك يەلەرى الاش تاسجولى، 1 «ا» مەكەنجايى بويىنشا نەمەسە 87172251447 نومىرىنە حابارلاسىپ جۇگىنە الادى.
جۇمىس ۋاقىتى: دۇيسەنبى-جۇما ارالىعىندا 9.00 دەن 19.00 گە دەيىن، سەنبى جانە جەكسەنبى كۇندەرى 10.00-17.00 ارالىعى. اۆتوكولىك ق ر س ت 1418-2018 جانە كەدەن وداعىنىڭ «دوڭعالاقتى كولىك قۇرالدارىنىڭ قاۋىپسىزدىگى تۋرالى» 08/2011 تەحنيكالىق رەگلامەنتىنە سايكەس كەلۋى ءتيىس.