جۇمىسشىلارعا جالاقى تولەمەي كەلگەن 1 مىڭنان استام كاسىپورىنعا ايىپپۇل سالىندى
نۇر- سۇلتان. قازاقپارات - 2020 -جىلى مەملەكەتتىك ەڭبەك ينسپەكتورلارى 31 مىڭنان استام جۇمىسكەردىڭ قۇقىعىن قورعادى، دەپ حابارلايدى قازاقپارات.
ۇقساس جاڭالىقتار اتىراۋدا 1 مىڭنان استام جۇمىسشىنىڭ 263,8 ميلليون تەڭگە جالاقى قارىزى وتەلدى 2020 -جىلعى 31-جەلتوقسانداعى جاعداي بويىنشا مەملەكەتتىك ەڭبەك ينسپەكتورلارى رەسپۋبليكانىڭ 1184 كاسىپورنىندا 31 مىڭ جۇمىسكەر الدىندا 4,2 ميلليارد تەڭگەدەن استام جالاقى بەرەشەگى بار ەكەنىن انىقتادى.
اتالعان كاسىپورىن باسشىلارىنا ورىندالۋعا مىندەتتى 790 نۇسقاما بەرىلىپ، 106,4 ميلليون تەڭگەدەن استام ايىپپۇل سالىندى. قولدانىلعان شارالاردىڭ ناتيجەسىندە، ونىڭ ىشىندە جالاقى بويىنشا بەرەشەكتى وتەۋدىڭ مەرزىمى مەن كەستەسىن قاتاڭ بەلگىلەۋ ارقىلى 31 مىڭنان استام جۇمىسكەردىڭ قۇقىعى قورعالىپ، ولارعا 4,2 ميلليارد تەڭگە تولەندى. جالپى، وتكەن جىلى مەملەكەتتىك ەڭبەك ينسپەكتورلارى 3,9 مىڭ تەكسەرۋ جۇرگىزدى. ق ر ەڭبەك زاڭناماسىن بۇزۋدىڭ 6,1 مىڭنان استام فاكتىسى انىقتالىپ، 174,3 ميلليون تەڭگە سوماعا ايىپپۇل سالىندى.
