ەپيدەميولوگيالىق جاعدايعا بايلانىستى 1- شىلدەدەن باستاپ كارانتين كۇشەيدى
رەسپۋبليكالىق ارنايى كوميسسيانىڭ شەشىمىمەن كوروناۆيرۋستىڭ ەل اۋماعىندا تاراۋىنا جول بەرمەس ءۇشىن 1- شىلدەدەن باستاپ مەملەكەت اۋماعىندا كارانتيندىك تالاپتار كۇشەيتىلدى.
- رەسپۋبليكانىڭ بارلىق ايماقتارىنداعى ءىرى بازارلار جانە تاۋارلار ساتۋمەن اينالىساتىن ءىرى ساۋدا ورتالىقتارى اپتانىڭ سەنبى-جەكسەنبى كۇندەرى سانيتارلىق جانە دەزينفەكتسيا جۇمىستارىنىڭ جۇرگىزىلۋىنە وراي جابىلادى؛
- «قىزىل» جانە «سارى» ساناتتاعى ايماقتاردا ساعات 07:00 دەن 23:00 گە دەيىن قوعامدىق ورتالاردا ءۇش ادامنان كوپ كىسى توپتانۋعا، ال 23:00 دەن 07:00 گە دەيىن كوشەدە، كوپقاباتتى ۇيلەردىڭ الدىنا جينالۋعا تىيىم سالىنادى.
كارانتين جاعدايىندا:
- دەنساۋلىعىنىڭ ناشارلاۋىنا نەمەسە جۇكتىلىككە بايلانىستى مەديتسينالىق تەكسەرۋدەن ءوتۋ ءۇشىن مەديتسينالىق مەكەمەگە نەمەسە قاجەتتى ءدارى-دارمەكتى ساتىپ الۋ ءۇشىن ءدارىحاناعا بارۋعا رۇقسات ەتىلەدى؛
- «قىزىل» جانە «سارى» كاتەگوريالى ايماقتاردا اپتانىڭ سەنبى-جەكسەنبى كۇندەرى قوعامدىق كولىك قوزعالىسىنا ءبىرشاما شەكتەۋ قويىلادى.
رەسپۋبليكالىق ارنايى كوميسسيانىڭ شەشىمىمەن «قىزىل» جانە «سارى» كاتەگوريالى ايماقتاردا 30 ادامنان اسپايتىن سالتاناتتى كەشتەر مەن ءتۇرلى توي راسىمدەرىن سانيتارلىق-گيگيەنالىق تالاپتاردى قاتاڭ ساقتاي وتىرىپ ۇيدە عانا وتكىزۋگە رۇقسات ەتىلگەن.