شىعىس قازاقستان وبلىسىندا كارانتين 1 - شىلدەگە دەيىن ۇزارتىلدى
قۇجاتقا سايكەس، شىعىس قازاقستان وبلىسىنىڭ بارلىق اۋماعىندا 2020 -جىلعى 1 - شىلدە ساعات 00.00-گە دەيىن شەكتەۋلەر، سونىڭ ىشىندە كارانتين شارالارى ساقتالادى.
شارۋاشىلىق جانە وزگە دە قىزمەت تۇرلەرىنە قاتىستى ايرىقشا جاعداي ەنگىزىلەدى. سوڭعى 7 كۇن ىشىندە ءوسىم% 4,7 قۇراعان سەمەيگە ەرەكشە كوڭىل ءبولىندى. قاۋلىدا قالادا ازىق- تۇلىك ساتپايتىن ساۋدا نىساندارىنىڭ جۇمىس ۋاقىتىن ساعات 10.00-دەن 17.00-گە دەيىن جانە ازىق- تۇلىك ساتاتىن ساۋدا وبەكتىلەرىنىڭ جۇمىس ۋاقىتىن ساعات 08.00-دەن 20.00-گە دەيىن قىسقارتۋ قاجەتتىگى تۋرالى ايتىلعان.
بۇل رەتتە شەكتەۋلەر ازىق- تۇلىك ەمەس تاۋارلاردى كوتەرمە- بولشەك جانە بولشەك ساۋدامەن ساتاتىن ساۋدا نىساندارىنا، ءىرى ساۋدا وبەكتىلەرى مەن كەشەندەرىنە، ساۋدا- ويىن- ساۋىق ورتالىقتارىنا، اۋماعى 2000 شارشى مەتردەن اساتىن ساۋدا ۇيلەرىنە تىيىم سالىنادى. سونداي- اق، تۇنگى كلۋبتاردىڭ (ديسكوتەكالاردىڭ)، بارلاردىڭ، كالياندار مەن كاراوكە جۇمىسىنا رۇقسات ەتىلمەيدى.
سونىمەن قاتار، قۇجاتتا سەمەي قالاسىندا، دالىرەك ايتقاندا، اۋرۋ جۇقتىرۋ دەڭگەيى جوعارى قالا اۋداندارىندا، سونداي- اق ادامدار كوپ جينالاتىن جەرلەردە، تۇرعىن ءۇي سەكتورىندا، ساياجاي اۋماعىندا، ساياباقتاردا، گۇلزارلاردا، اۋلا ىشىندەگى بالالار وينايتىن الاڭدار مەن سپورت الاڭدارىندا، رەكرەاتسيا ايماقتارىندا، قوعامدىق كولىكتەردە ماسكالىق رەجيم مەن الەۋمەتتىك قاشىقتىقتى ساقتاۋ تۇرعىسىنان پاترۋلدەۋ كۇشەيتىلەتىنى حابارلاندى. وبلىستىڭ باس سانيتار دارىگەرىنىڭ قاۋلىسىندا ءۇرجار اۋدانىندا، اتاپ ايتقاندا الاكول كولىنىڭ جاعالاۋىندا دا سانيتارلىق نورمالاردى ساقتاۋ كەرەكتىگى ايتىلادى.
