كارانتين 1-ماۋسىمعا دەيىن ۇزارتىلدى
كارانتيندى ۇزارتۋ تۋرالى شەشىمدى ارنايى رەسپۋبليكالىق كوميسسيا ەلدەگى ناۋقاستار سانىنىڭ ءوسۋ قاۋپىن ەسكەرە وتىرىپ قابىلدادى. سونداي-اق، وزبەكستان 18-مامىردان باستاپ ەل ىشىندە اۋە جانە تەمىر جول قاتىناستارىنىڭ ءىشىنارا جاندانۋىنا رۇقسات بەردى.
اتاپ ايتقاندا تاشكەنتتەن نۇكىسكە، ۇرگەنىشكە، تەرمەزگە جانە كەرى باعىتقا ۇشاتىن اۋە رەيستەرى قايتا جاندانباق.
سونىمەن قاتار، Afrosiyob پويىزدارى تاشكەنتتەن ناۆويعا، بۇحاراعا جانە قارشيعا، ال جۇردەك پويىزدار فەرعانا القابىنا (فەرعانا، انديجان جانە نامانعان وبلىستارى) جانە كەرى باعىتقا قاتىناي باستايدى. سونداي-اق، رەسپۋبليكا وڭىرلەرىنىڭ قىزىل، سارى جانە جاسىل دەڭگەيلەرگە بولىنۋىنە بايلانىستى حالىققا قىزمەت كورسەتەتىن شاعىن جانە ورتا بيزنەستىڭ كەيبىر تۇرلەرى، ساياباقتار، سپورت ستاديوندارى مەن مۇراجايلار اشىلادى.
