جەكي چان سىيلىق رەتىندە 1 ميلليون يۋان بەرەتىنىن ايتتى

نۇر-سۇلتان. قازاقپارات - ءارتىس جۇرت ءوزىنىڭ نيەتىن دۇرىس تۇسىنەدى دەگەن سەنىم ءبىلدىردى.

بۇل ماڭىزدى ماسەلەنى عىلىم مەن تەحنولوگيانىڭ كومەگىمەن شەشۋ كەرەك ەكەنىن وزگەلەر دە بىلەدى دەگەن ويىن ايتتى

قىتاي اكتەرى جەكي چان كوروناۆيرۋستىڭ جاڭا ءتيپىن ەمدەيتىن ءدارى ويلاپ تاپقان ادامعا 1 ميلليون يۋان (54 ميلليون تەڭگەدەن استام) بەرەتىنىن ايتتى، دەپ حابارلايدى Strait Times.

«عىلىم مەن تەحنولوگيانىڭ ارقاسىندا ۆيرۋسپەن كۇرەسۋگە بولادى. مەن وزگە ادامدار دا وسىنداي ويدا دەپ ەسەپتەيمىن. ءدارى جاقىندا ويلاپ تابىلادى دەپ سەنەمىن»، - دەدى اكتەر.

سونداي-اق، ول اقشا ءدارىنى شىعارعان جەكە ادامعا دا، ۇيىمعا دا بەرىلەتىنىن جەتكىزدى. ءارتىس جۇرت ءوزىنىڭ نيەتىن دۇرىس تۇسىنەدى دەگەن سەنىم ءبىلدىردى.

«ماسەلە اقشادا ەمەس. كەزىندە ادام تولى بولعان كوشەلەر قازىر بوس. مەن وتانداستىرىمنىڭ ۆيرۋسپەن كۇرەسىپ، قازا بولىپ جاتقانىن كورگىم كەلمەيدى. ولار ءومىر ءسۇرۋى ءتيىس»، - دەدى جەكي چان.

قىتايدا كوروناۆيرۋستىڭ جاڭا تيپىنەن كوز جۇمعانداردىڭ سانى 9-اقپان كۇنى 811 ادامعا جەتتى.

بۇل سىرقاتتان ايىققانداردىڭ سانى ارتقانىن اتاپ ءوتۋ كەرەك. سوڭعى مالىمەتكە سايكەس، اۋرۋحانادان 2649 ادام شىعارىلعان.