بالالارىنا 1 ميلليون تەڭگە اليمەنت تولەۋدەن جالتارعان كەلىنشەك جازاعا تارتىلدى

نۇر-سۇلتان. قازاقپارات - قوستاناي وبلىسىندا بالالارىنا اليمەنت تولەۋدەن جالتارعان د. ەسىمدى ايەل 300 ساعات قوعامدىق جۇمىسقا تارتىلدى، دەپ حابارلايدى قازاقپارات ءتىلشىسى.

قوستاناي وبلىستىق پروكۋراتۋراسىنىڭ مالىمەتىنشە، وتكەن جىلى مەڭدىقارا اۋداندىق پروكۋراتۋراسى كامەلەت جاسىنا تولماعان بالالاردى اسىراۋ مىندەتىن ورىنداماعانى ءۇشىن 5 بورىشكەردى اكىمشىلىك جانە قىلمىستىق جاۋاپكەرشىلىككە تارتقان. ولاردان 100000 تەڭگەدەن استام اليمەنت بەرەشەگى ءوندىرىلدى.

سونىمەن قاتار اۋداندىق پروكۋراتۋرا اكىمدىكپەن بىرلەسىپ، 13 بورىشكەردى جۇمىسقا ورنالاستىردى.

«مىسالى، قوستاناي وبلىسىنىڭ كامەلەتكە تولماعاندار بويىنشا اۋدانارالىق مامانداندىرىلعان سوتىنىڭ ۇكىمىمەن 1 ميلليون تەڭگەدەن استام بەرەشەگى بار ازاماتشا د. ق ر قىلمىستىق كودەكسىنىڭ 139-بابىمەن كىنالى دەپ تانىلىپ، 300 ساعات قوعامدىق جۇمىسقا تارتىلدى. ۇكىم زاڭدى كۇشىنە ەندى» دەلىنگەن تاراتىلعان اقپاراتتا.

اۆتور: مارلان جيەمباي