گەرمانيا دەنساۋلىق ساقتاۋ سالاسىنا كۇنىنە 1 ميلليارد ەۋرودان استام اقشا جۇمسايدى
بەرليننىڭ وزىنە وتكەن جىلى 13,5 ميلليون شەتەل ازاماتى كەلگەن ەكەن. ولاردىڭ ءبىرى ايگىلى رەيحستاگ، براندەنبۋرگ قاقپاسى مەن مۇراجايلارىن كورۋگە كەلسە، ەندى ءبىرى دەرتىنە شيپا ىزدەپ كەلگەندەر.
گەرمانيا مەديتسينالىق تۋريزمدى دامىتۋ ءۇشىن كۇنىنە قانشا اقشا بولەدى؟ الەمنىڭ تۇكپىر- تۇكپىرىنەن كەلگەن ەمدەلۋشىلەردىڭ سانى ءبىر عانا بەرليننىڭ وزىندە 14 مىڭعا جەتەدى. جالپى گەرمانيا بيلىگى مەديتسينانىڭ دامۋىنا جىلىنا شامامەن 374 ميلليارد ەۋرو بولەدى. بۇل جالپى ىشكى ءونىمنىڭ 11 پايىزى. ياعني دەنساۋلىق ساقتاۋ سالاسىنا كۇنىنە ءبىر ميلليارد ەۋرودان استام قاراجات جۇمسالادى.
بىرىنشە كەزەكتە مەديتسينالىق وقۋ ورىنىندا ءبىلىم الىپ جۇرگەن بولاشاق ماماندارعا اسا نازار اۋدارىلادى. ال ەمدەۋدىڭ يننوۆاتسيالىق ادىستەرى مەن زاماناۋي قۇرال- جابدىقتار مەديتسينالىق تۋريزمنىڭ دامۋىنا ايتارلىقتاي ۇلەس قوسىپ كەلەدى. ستاتيستيكاعا سۇيەنسەك، نەمىس كلينيكالارى جىلىنا شەتەلدەن كەلگەن 250 مىڭ ناۋقاستى قابىلدايدى.
بۋركحارد كيكەر، «Vizit Вerlin» بەرليندەگى تۋريستىك كەڭسەنىڭ باسشىسى:
- جىل سايىن الەم ەلدەرىنەن مىڭداعان ەمدەلۋشى تەكسەرىلۋ ءۇشىن نەمەسە ەمدەلۋگە كەلەدى. ولاردىڭ قاتارىندا قازاقستان، رەسەي، قىتاي، اراب ەلدەرى، ءتىپتى امەريكا قۇراما شتاتتارىنىڭ تۇرعىندارى. بەرلين دۇنيە جۇزىندەگى ەڭ ءىرى مەديتسينالىق ورتالىقتاردىڭ ءبىرى. مىسالى كورول فريدريح ۆيلگەلم نەگىزىن قالاعان شاريتە كلينيكاسى 300 جىلدان استاپ ۋاقىت جۇمىس ىستەپ كەلەدى. بىزدە نوبەل سىيلىعىنىڭ لاۋرەاتتارى ەڭبەك ەتەدى. ءاردايىم بىلگەنىمىزبەن ءبولىسىپ، كومەككە مۇقتاج جاندارعا بارىنشا كومەك كورسەتەمىز.
گەرمانياداعى ەڭ اتاقتى كلينيكالاردىڭ ءبىرى بەرليندە، گامبۋرگتە، ميۋنحەن مەن بونن قالاسىندا ورنالاسقان. ساراپشىلاردىڭ ايتۋىنشا، ناۋقاستاردىڭ كوبى جۇرەك قان تامىر جۇيەسىنىڭ اۋرۋلارى، ونكولوگيالىق اۋرۋلار مەن قانت ديابەتىنە شالدىققاندار. ءتۇرلى دەرتكە شالدىققان بالالار دا ءجيى كەلەدى.
بۋركحارد كيكەر، «Vizit Вerlin» بەرليندەگى تۋريستىك كەڭسەنىڭ باسشىسى:
- بەرليندە شەتەل ازاماتتارىن قابىلدايتىن 14 كلينيكا ورنالاسقان. ولاردىڭ اراسىندا جۇرەك اۋرۋىنىڭ ورتالىعى بار. وندا بۇلدىرشىندەرگە ترانسپلانتاتسيا مەن باسقا دا وتا تۇرلەرىن جاسايدى. بەرلين- بۋح دەپ اتالاتىن ۇلكەن كلينيكا دا بار. مەنىڭ ويىمشا، بىزدە ەڭ مىقتى ماماندار جۇمىس ىستەيدى.
www.24.kz