پوشتامەن سالەمدەمە جىبەرۋ ءتارتىبى 1-قاڭتاردان باستاپ وزگەردى
«جەكە تۇلعالار جىبەرەتىن بارلىق تىركەلەتىن پوشتا جونەلتىلىمى «پوشتا تۋرالى» ق ر زاڭىنىڭ 39-بابى 2-تارماعىنا سايكەس اشىق كۇيىندە قابىلدانادى (تىركەلمەيتىن حاتتاردى قوسپاعاندا). زاڭدى تۇلعالاردىڭ حات-حابارلارى بۇرىنعىشا اشىق جانە جابىق كۇيىندە قابىلدانادى»، - دەلىنگەن «قازپوشتا» ا ق باسپا ءسوز مالىمەتىندە.
بەلگىلى بولعانداي، بۇدان بىلاي بارلىق تاپسىرىس حات، باندەرول جانە قۇندىلىعى جاريالانعان حات، سونداي-اق سالەمدەمەنى پوشتا بايلانىسى بولىمشەسىنە اشىق كۇيىندە اكەلەدى.
بۇل رەتتە، پوشتا وپەراتورى پوشتا جونەلتىلىمدەرىن قابىلداعاندا، جونەلتۋشىنى سايكەستەندىرۋى جانە ونىڭ دەرەكتەرىن تىركەۋى كەرەك.
سونىمەن قاتار، جونەلتۋگە تىيىم سالىنعان زاتتاردىڭ مازمۇنى ءۇشىن سالەمدەمەلەردى تەكسەرۋدىڭ مۇمكىن بولماۋىنا بايلانىستى بۇل قىزمەت پوشتا بولىمشەلەرىندە جۇرگىزىلمەك.
باسپا ءسوز قىزمەتى، جالپى بۇل شارالار پوشتا قىزمەتكەرلەرىنىڭ دەنساۋلىعى مەن قاۋىپسىزدىگى ءۇشىن جاسالىپ وتىرعاندىعىن ايتۋدا.