14:46, 07 - قاراشا 2018 | GMT +5
بيىلعى جىلدىڭ 1- جەلتوقسانىنان باستاپ جاڭا تەحنيكالىق قۇجاتتار ەنگىزىلەدى
استانا. قازاقپارات - بيىلعى جىلدىڭ 1- جەلتوقسانىنان باستاپ ەلىمىزدە اۆتوكولىكتەرگە ارنالعان تەحنيكالىق قۇجاتتىڭ جاڭا ۇلگىسى پايدا بولادى.
بۇل تۋرالى Stan.kz حابارلايدى.
جاڭارتىلعان ۇلگىدەگى تەحنيكالىق قۇجاتتار چيپ جانە قورعاۋ ماقساتىنداعى ۋلتراكۇلگىن ەلەمەنتتەرمەن ەرەكشەلەنەدى. سونىمەن قاتار قۇجاتتا جاڭا جولدار پايدا بولادى. ءوز كەزەگىندە ول كولىك تۋرالى تولىعىراق اقپارات ەنگىزۋگە مۇمكىندىك بەرەدى.
زاڭعا ەنگىزىلگەن وزگەرتۋلەرگە سايكەس، تەحنيكالىق قۇجاتتى بيىلعى جىلدىڭ 1- جەلتوقسانىنا دەيىن راسىمدەگەن جۇرگىزۋشىلەرگە ەسكى ۇلگىدەگى قۇجاتتى ەركىن قولدانۋعا رۇقسات بەرىلگەن جانە اۆتوكولىكتى قايتا راسىمدەگەن جاعدايدا تەحنيكالىق قۇجاتتى اۋىستىرا الادى.
