بيۋجەتكە «سەرگەك» 1 ميلليارد تەڭگە اكەلگەن
بۇل جوبا جول-كولىك وقيعالارىنىڭ سانى %16 عا، ج ك و- نان جارالانۋ %22 عا، جول-كولىك وقيعاسى سالدارىنان بولاتىن ءولىمدى %54 عا تومەندەتۋگە مۇمكىندىك بەردى، دەپ حابارلايدى استانا اكىمدىگىنىڭ رەسمي سايتى.
ەستەرىڭىزگە سالا كەتەيىك، «استانا قالاسىندا فوتو - بەينەتىركەۋ جانە بەينەباقىلاۋ اپپاراتتىق-باعدارلامالىق كەشەندى قۇرۋ جانە پايدالانۋ» جوباسى 2017-جىلى استانا قالاسىنىڭ ينۆەستيتسيالار جانە دامۋ باسقارماسى مەن «استانا Innovations» ا ق جانە «كوركەم تەلەكوم» ج ش س- ءنىڭ اراسىندا مەملەكەتتىك-جەكەمەنشىك ارىپتەستىك جوباسىن ىسكە اسىرۋ تۋرالى كەلىسىمشارت اياسىندا جۇزەگە اسقان.
جوبا م ج ءا اياسىندا جۇزەگە اسقان جانە ەلىمىز بويىنشا اقپاراتتىق تەحنولوگيا مەن قاۋىپسىزدىك باعىتىندا جاسالعان العاشقى كەلىسىمشارت. «سەرگەك» نازاربايەۆ ۋنيۆەرسيتەتىنىڭ عالىمدارىن تارتا وتىرىپ جاسالعان تولىعىمەن ءوزىمىزدىڭ جۇيە، ونىڭ نەگىزىنە ماشينالىق وقىتۋ جەلىلەرىنىڭ نەيروندى تەحنولوگياسى قولدانعان.
م ج ءا جوباسىن ىسكە اسىرۋدىڭ ناتيجەسى قوزعالىس اعىنىنىڭ مونيتورينگ ساپاسىن ارتتىرۋ، سونداي-اق اكىمشىلىك ايىپپۇلدار ەسەبىنەن جەرگىلىكتى بيۋجەتتى تولىقتىرۋ.
جوبا اياسىندا 13 مىڭ كامەرا قويۋ جانە ينتەگراتسيالاۋ كوزدەلگەن، ونىڭ ىشىندە 6 مىڭ كامەرا قالا كوشەلەرىنە (400 قيىلىس پەن 300 جەلىلىك ۋچاسكە) 4 مىڭ كامەرا ادامدار كوپ جينالاتىن ورىندارعا، ساۋدا ويىن-ساۋىق جانە بيزنەس ورتالىقتارىندا ورناتىلعان 3 مىڭ سىرتقى كامەرانى ينتەگراتسيالاۋ بەلگىلەنگەن.