كاليفورنيادا جىلقىلار 1 دوللاردان ساتىلاتىن بولدى
كەيىن ولار ساتىلىمعا شىعارىلىپ نەمەسە سەنىمدى ادامدارعا بەرىلەدى. سونىمەن بىرگە، جەرگىلىكتى شەنەۋنىكتەر جانۋارلاردىڭ قاساپحاناعا دا جىبەرىلۋى مۇمكىن ەكەنىن جوققا شىعارمايدى، دەپ حابارلايدى قازاقپارات mnn.com عا سىلتەمە جاساپ.
جابايى جىلقىلار ورەگون شتاتىنىڭ شەكاراسىنا جاقىن ورنالاسقان مودوك ۇلتتىق پاركىنىڭ ءۇستىرتىن مەكەندەيدى. كاليفورنياداعى جابايى جىلقىلاردىڭ ءۇيىرى ا ق ش فەدەرالدىق ورمان باسقارماسىنىڭ باقىلاۋىندا بولىپ وتىر. جىلقىلاردى ايداپ اكەتۋ 9 - قازاندا باستالىپ، ءبىر ايعا سوزىلادى.
ايدالعان 1000 جانۋاردىڭ 700 گە جۋىعى بۋاز بيەلەر نەمەسە 10 جاستان اسپاعان جاس مال. ولار ارنايى مەكەمەگە ايدالاتىن بولادى. 10 جاستان اسقان جانۋارلار ۋاقىتشا ۇستاۋ پۋنكتىنە جىبەرىلەدى. ولاردىڭ بىرەۋىنىڭ باعاسى 125 ا ق ش دوللارى بولماق. بۇل باعا 30 كۇن وزگەرمەيدى، بۇدان كەيىن 1 جىلقىنىڭ باعاسى 1 دوللارعا دەيىن تۇسەدى.
جابايى جىلقىلار قاساپحانالاردان بولەك رانچو نەمەسە باسقا دا جەرلەرگە جىبەرىلۋى مۇمكىن.
فەدەرالدىق شەنەۋنىكتەر جابايى جىلقىلار مەكەندەيتىن اۋماق ولار ءۇشىن تار بولىپ جاتقانىن ايتۋدا.
« ءبىزدىڭ اۋماعىمىزدا 206 دان 402 گە دەيىن جانۋار بولۋى ءتيىس، ال بىزدە بولسا، 4000 عا جۋىق جىلقى جايىلىپ ءجۇر» ، - دەدى مودوك ۇلتتىق پاركىنىڭ باس عىلىمي جەتەكشىسى اماندا ماكادامس. ونىڭ ايتۋىنشا، جانۋارلارعا ازىق پەن سۋ جەتىسپەيدى.
فەدەرالدىق شەنەۋنىكتەر جىلقىلاردىڭ نەعۇرلىم كوپ سانىن جايعاستىرعىسى كەلەتىنىن ايتتى. ءبىراق فەدەرالدىق ورمان باسقارماسىنىڭ وكىلى كەن سەندۋسكي ۇكىمەتتىڭ «ولاردىڭ ءبارىن جايعاستىرا المايتىنىن» ايتۋدا.
جابايى جىلقىلاردى قورعاۋ بويىنشا امەريكاندىق ناۋقان وكىلدەرى فەدەرالدىق ورمان شارۋاشىلىعىنا قالىپتاسقان جاعدايدا گۋمانيستىك شەشىم قابىلداپ، بارلىق ءىستى بىرتىندەپ اتقارۋعا شاقىردى. ءبىراق ۇكىمەتتىڭ كوزقاراسى بويىنشا، وسىنداي شارالار جاعدايدى وزگەرتە المايدى.
«جابايى جىلقىلار پوپۋلياتسياسىنىڭ 20-25 پايىزعا ءوسۋى كەزىندە بۇل جەردە تەك بيىلعى جىلى 800-1000 جابايى جىلقى قۇلىنداعان، سوندىقتان بىرتىندەپ جاسالعان قادامدار ناتيجەسىز» ، - دەپ ءمالىم ەتتى جەرگىلىكتى بيلىك وكىلدەرى.
