اۆتوبۋس جولاعىمەن جۇرگەن جۇرگىزۋشىلەر 1 ميلليارد تەڭگەگە جۋىق ايىپپۇل تولەيدى

الماتى. قازاقپارات - الماتىدا اۆتوبۋس جولاعىمەن جۇرگەن جۇرگىزۋشىلەر 975 ميلليون تەڭگە ايىپپۇل تولەيدى، دەپ حابارلايدى قازاقپارات ءتىلشىسى.

جەرگىلىكتى پوليتسيا قىزمەتى جىل باسىنان بەرى قوعامدىق كولىك جۇرەتىن جولمەن ءجۇرىپ، ەرەجە بۇزعان 86 مىڭ دەرەكتى تىركەدى.

قالالىق ءى ءى د باسپا ءسوز قىزمەتى تاراتقان مالىمەتكە سايكەس، كوبىنەسە جۇرگىزۋشىلەرگە رايىمبەك كوشەسىندە - 222,9 ميلليون تەڭگە، تولە ءبي داڭعىلىندا - 206,3 ميلليون تەڭگە، اباي داڭعىلىندا 203,1 ميلليون تەڭگە ايىپپۇل سالىنعان.

7 ايدا الماتىداعى ارنايى اۆتوبۋس جولدارىندا جۇرگىزۋشىگە 974,9 ميلليون تەڭگە كولەمىندە ايىپپۇل سالىندى.