قاراعاندى وبلىسىندا 1 ميلليون توننادان استام ءشوپ ورىلعان
دەپ حابارلايدى قازاقپارات وبلىس اكىمىنىڭ باسپا ءسوز قىزمەتىنە سىلتەمە جاساپ.
بارلىق شارۋا قوجالىقتارىن مول ازىقپەن قامتاماسىز ەتۋ ءۇشىن 2 ميلليون 125 مىڭ توننا ءشوپ قاجەت. ول ءۇشىن وبلىستا 19,4 مىڭ گەكتار جەرگە ءبىر جىلدىق ءشوپ ەگىلگەن. سونىمەن قاتار، مال ازىعىن كوپجىلدىق وسىمدىكتەردەن دە ازىرلەيدى. بۇگىندە كوپجىلدىق ءشوپ اۋماعى 326,1 مىڭ گەكتاردى قۇرايدى. قويمادا جاتقان تاعى 432 مىڭ توننا جەم- ءشوپ وتكەن جىلدان قالعان.
«بەلگىلەنگەن ازىق قورىن ءتيىستى ۋاقىت ىشىندە دايىنداپ ۇلگەرۋ ءۇشىن 6867 توسەم، 528 دەستەلەگىش، 2,2 مىڭ تىرناۋىش پەن 316 سىعىمداپ جيناۋىش جۇمىلدىرىلعان»، - دەيدى اۋىل شارۋاشىلىعى باسقارماسىنىڭ باسشىسى ساعىنجان اپاقاشوۆ.
بەلگىلەنگەن نورمانى ورىنداۋ ءۇشىن كۇن سايىن كەم دەگەندە 32 مىڭ توننا ءشوپ ورىلۋى ءتيىس. كوكتەمنىڭ كەش تۇسۋىنە جانە اۋا- رايىنىڭ قولايسىزدىعىنا بايلانىستى بارلىق ايماقتار كەستەدەن قالىپ بارادى. ايماق باسشىسى ەرلان قوشانوۆ قالا مەن اۋدان اكىمدەرىنە وسى باعىتتاعى جۇمىستى ۇدەتۋدى تاپسىردى.
«بىلاي قاراعاندا، ءشوپ جيناۋ ماۋسىمىنىڭ اياقتالۋىنا نەبارى ءبىر اي ۋاقىت قالدى. مەنى الاڭداتىپ وتىرعان ءبىر سۇراق - سىزدەر وسىنشاما از ۋاقىتتا قاجەتتى مولشەردى جيناپ ۇلگەرەسىزدەر مە؟ ءبىز باياعىدا 50 پايىزدى ەڭسەرۋگە ءتيىس ەدىك»، - دەدى وبلىس اكىمى.
