حالىقارالىق «استانا» قارجى ورتالىعىن 1 ميللياردتان استام ادامى بار نارىققا جول اشادى
«ا ح ق و ەۋرازيانىڭ پەرسپەكتيۆالى نارىقتارىنا شىعۋ مۇمكىندىكتەرىن ارتتىرادى. قازاقستان ا ح ق و- نى الەمدىك قارجى جۇيەسىنىڭ بولىگى رەتىندە قاراستىرادى. الەمدەگى اقشا اعىنىن باسقاراتىن قارجى ورتالىقتارىنىڭ جاھاندىق تىزبەگى بۇكىل جەر شارى ارقىلى - تورونتودان سيدنەيگە دەيىن، توكيودان نيۋ- يورككە دەيىن وتەدى. ولاردىڭ ءارقايسىسىنىڭ وزىندىك بىرەگەي سالاسى بار»، - دەپ اتاپ ءوتتى باقىتجان ساعىنتايەۆ.
پرەمەر- ءمينيستردىڭ پايىمىنشا، «استانا» حالىقارالىق قارجى ورتالىعىنىڭ گەوگرافيالىق ەرەكشە ورنالاسۋى ورتالىق ازيا، ەاەو، كۇنگەي كاۆكاز، تاياۋ شىعىس ەلدەرىنىڭ نارىعىنا شىعۋعا مۇمكىندىك بەرەدى.
«سونىمەن قاتار استانا «بەلدەۋلەر مەن جولدار» جاھاندىق باستاماسىنىڭ جاڭا ترانس قۇرلىقتىق باعىتتارىنىڭ باستى توراپتارىنىڭ ءبىرى بولىپ تابىلاتىنىن دا ەسكەرۋ كەرەك. سوندىقتان ا ح ق و باتىس قىتاي، موڭعوليا جانە ەۋروپا ەلدەرى اراسىنداعى قارجىلىق- ەكونوميكالىق كوپىرگە اينالا الادى. مۇنىڭ بارلىعى 1 ميللياردتان استام ادامدى قامتيتىن الىپ نارىققا جول اشادى»، - دەدى ۇكىمەت باسشىسى.
اۆتور: مارلان جيەمباي
