الماتىدا 1- شىلدە كۇنى تۋعان سابيلەرگە دومبىرا سىيعا تارتىلادى

الماتى. قازاقپارات - الماتىدا ءار پەرزەنتحانادا ءبىرىنشى تۋعان سابيگە دومبىرا سىيعا بەرىلەدى. ۇلتتىق دومبىرا كۇنىنە وراي «قاسيەتتى دومبىرا» اكسياسىن قازاقستان حالقى اسسامبلەياسىنىڭ «قوعامدىق كەلىسىم» ۇيىمى ۇيىمداستىرىپ وتىر، دەپ حابارلايدى قازاقپارات ءتىلشىسى.

اكسيا قازاقستان رەسپۋبليكاسىنىڭ تۇڭعىش پرەزيدەنتى ن. ءا. نازاربايەۆتىڭ 2018-جىلدىڭ 12- ماۋسىمىنداعى 699№ «ۇلتتىق دومبىرا كۇنى تۋرالى» جارلىعىنىڭ اياسىندا وتكىزىلىپ جاتىر.

«باستى ماقسات ءوسىپ كەلە جاتقان ۇرپاققا ۇلتتىق ءداستۇرىمىزدى ءتۇسىندىرۋ مەن جەتكىزۋ. ءار قازاقتىڭ شاڭىراعىندا تورىندە دومبىرا ءىلىنىپ تۇرۋى ءتيىس. بۇل ءداستۇردى جوعالتپاۋىمىز كەرەك»، - دەدى ۇيىمداستىرۋشىلار.

قالانىڭ ءاربىر پەرزەنتحاناسىندا 1- شىلدەدە ءبىرىنشى تۋىلعان سابيگە ق ح ا بەينەلەمەسى بار دومبىرالار سىيلانادى.

ۇيىمداستىرۋشىلار قالاداعى 7 پەرزەنتحانانى قامتىماق.