قازاقستاندا 1 -ماۋسىم كۇنى اۋا رايى قانداي بولادى

كەي جەرلەردە جاۋىن جاۋىپ، جەل كۇشەيىپ، شاڭدى داۋىل كوتەرىلەدى. ءتىپتى تۇمان ءتۇسىپ، بۇرشاق جاۋۋى دا ىقتيمال. تەك ەلدىڭ وڭتۇستىگى مەن وڭتۇستىك- شىعىسىندا، شىعىسىندا جانە سولتۇستىك- شىعىسىندا كۇن اشىق بولادى، دەپ حابارلايدى قازاقپارات «قازگيدرومەت» ر م ك-نىڭ مالىمەتتەرىنە سىلتەمە جاساي وتىرىپ.

«قازگيدرومەت» ر م ك-نىڭ اقپاراتى بويىنشا، سولتۇستىك قازاقستان وبلىسىندا تۇندە جەل سەكۋندىنا 15-20 مەترگە دەيىن كۇشەيەدى، ەكپىنى 23-28 مەترگە جەتەدى. كۇندىز كەي جەرلەردە جەلدىڭ جىلدامدىعى سەكۋندىنا 15-20 مەترگە جەتسە، جەكەلەگەن اۋدانداردا ول ودان سايىن ورشەلەنىپ، بۇرشاق جاۋۋى مۇمكىن.

اقمولا وبلىسىندا تۇندە كەيبىر ايماقتاردا جەل سەكۋندىنا 15-20 مەترگە دەيىن كۇشەيىپ، كۇندىز ەلدىڭ باسىم بولىگىندە 15-20 مەتر، ال ەكپىنى 23-28 مەتر بولادى.

قىزىلوردا وبلىسىندا كەي جەرلەردە جەل 15-20 مەترگە دەيىن كۇشەيىپ، ەكپىنى سەكۋندىنا 25 مەترگە جەتەدى. كەيبىر اۋدانداردا شاڭدى داۋىل كوتەرىلەدى.

باتىس قازاقستان، قوستاناي، كۇندىز اتىراۋ وبلىستارىنىڭ ءبىرقاتار اۋماقتارىندا جەلدىڭ جىلدامدىعى سەكۋندىنا 15-20 مەترگە جەتەدى. بۇرشاق جاۋۋى دا مۇمكىن.

اقتوبە وبلىسىنىڭ ءبىرقاتار اۋماقتارىندا جەل سەكۋندىنا 15-20 مەترگە جەتەدى. كۇندىز كەيبىر جەرلەردە بۇرشاق جاۋادى.

قاراعاندى، كۇندىز وڭتۇستىك قازاقستان، ماڭعىستاۋ، پاۆلودار وبلىستارىنىڭ ءبىرقاتار ايماقتارىندا جەلدىڭ جىلدامدىعى سەكۋندىنا 15-20 مەتر بولادى.

شىعىس قازاقستان وبلىسىندا تۇندە جانە تاڭ اتا ءبىرقاتار ايماقتارعا تۇمان تۇسەدى.

ماڭعىستاۋ وبلىسىنىڭ ءبىرقاتار ايماقتارىندا ءورت قاۋپى تۋىنداۋى ىقتيمال.