ەكى كاسىپكەر قىتاي ازاماتتارىنىڭ 1 ميلليارد تەڭگەسىن يەمدەنىپ الدى دەگەن كۇدىككە ءىلىندى
«ق ر باس پروكۋراتۋراسىنىڭ ارنايى پروكۋرورلار قىزمەتى «بازيس الاتاۋ» ج ش س باسشىلارى ب. بايمۇحانوۆ، گ. نابيەۆا جانە باسقالارعا قاتىستى قىتايدىڭ ءۇش ازاماتى حە حان ۆەي، لين نۋجى جانە ۆان جۋنعا الاياقتىق جاساۋ فاكتىسى بويىنشا سوتقا دەيىنگى تەرگەۋ جۇمىستارى جۇرگىزىلىپ جاتىر»، - دەپ اتاپ وتىلگەن حابارلامادا.
سوتقا دەيىنگى تەرگەۋ ماتەريالدارىنا سايكەس، ب. بايمۇحانوۆ پەن گ. نابيەۆا «قورعاس» شى ح و اۋماعىندا ينۆەستيتسيالىق وبەكتىلەردى سالۋ جانە جەر ۋچاسكەلەرىن جالعا بەرۋ تۋرالى كەلىسىمدەر جاساۋعا جانە ويىن بيزنەسىن جۇرگىزۋ ءۇشىن رۇقسات الۋعا كومەكتەسەمىز دەگەن سىلتاۋمەن ءۇش قىتايلىق ازاماتتىڭ 1 ميلليارد تەڭگە كولەمىندەگى قارجىسىن يەمدەنىپ كەتكەن.
كۇدىكتى ب. بايمۇحانوۆ پەن گ. نابيەۆا 2018 -جىلدىڭ 20 -اقپانىندا ۇستالىپ، سوتتىڭ سانكسياسىمەن تۇتقىندالعان.
سوتقا دەيىنگى تەرگەۋ جۇمىستارى جالعاسىپ جاتىر.
