07:17, 16 - قازان 2017 | GMT +5
و پ ە ك ەلدەرى ەكى جىلدىڭ ىشىندە مۇناي باعاسىنىڭ قۇلدىراۋىنان $1 تريلليون جوعالتتى
استانا. قازاقپارات - و پ ە ك- كە مۇشە ەلدەر 2015-2016 - جىلدارى مۇناي باعاسىنىڭ قۇلدىراۋى سالدارىنان ەكسپورتتىق اقشا تۇسىمىنەن 1 تريلليون دوللار جوعالتتى.
بۇل تۋرالى ۇيىمنىڭ باس حاتشىسى مۇحاممەد باركيندو جىل سايىنعى KOGS-2017 مۇنايگاز كونفەرەنسياسى اياسىندا وتكەن سەسسيادا ءمالىم ەتتى.
«سوڭعى ەكى جىلدىڭ ىشىندە ءبىز تەك سەكتورعا سالىنعان ينۆەستيتسيانىڭ عانا ەمەس، مۇنايدان تۇسەتىن تابىستىڭ دا تومەندەگەنىن كوردىك. و پ ە ك ەلدەرى وسى كەزەڭدە 1 تريليوننان استام دوللار جوعالتتى»، - دەدى ول.
باعا 2014 -جىلدىڭ كۇزىنەن تومەندەي باستاعان. 2015 -جىلدىڭ اقپانىندا مۇنايدىڭ باررەلى 28 دوللارعا ءتۇسىپ كەتتى. بۇل قۇلدىراۋدىڭ شىڭى بولدى. ساراپشىلاردىڭ پىكىرىنشە، 2015-2016 -جىلدارى مۇناي ءوندىرۋشى سالاعا سالىنعان ينۆەستيتسيا ەكى ەسەگە ازايعان. قازىرگى ۋاقىتتا قول جەتكەن كەلىسىم مۇناي باررەلىن 50-55 دوللار شاماسىندا ۇستاۋعا مۇمكىندىك تۋعىزىپ وتىر.
