وڭتۇستىك قازاقستان وبلىسىندا دارىگەرلەرگە 1 ميلليون تەڭگەدەن بەرىلەدى
وبلىستىڭ باس دارىگەرى جىل باسىنان بەرى دەنساۋلىق ساقتاۋ سالاسىندا اتقارىلعان جۇمىستاردى باياندادى، دەپ حابارلايدى ءوڭىر اكىمىنىڭ باسپاءسوز قىزمەتى.
«بۇعان دەيىن اۋىلدى جەرلەرگە بارعان دارىگەرلەرگە 100 مىڭ تەڭگەدەن ءبىر رەتتىك كومەك بەرىلىپ كەلدى. الايدا بۇل ماسەلە وبلىس اكىمى جانسەيىت قانسەيىت ۇلىنىڭ قولداۋىمەن قايتا قارالىپ، وبلىستىق ءماسليحاتتىڭ شەشىمىمەن اۋىلدى جەرلەردە دارىگەرلەر تاپشىلىعىن تومەندەتۋ ماقساتىندا اۋىلدى جەرلەرگە جولداناتىن مامانداردىڭ الەۋمەتتىڭ كومەك پاكەتىنە وزگەرىستەر ەنگىزىلدى. 2018 -جىلدىڭ قاڭتار ايىنان باستاپ اۋىلدىق جەرگە جولداناتىن جاس ماماندار ءبىر رەتتىك 1 ميلليون تەڭگە كومەك الاتىن بولادى»، - دەدى مۇقان كەڭەسبەك ۇلى.
سپيكەردىڭ ايتۋىنشا، 1 ميلليون تەڭگە دارىگەرلەرگە وڭتۇستىك قازاقستان وبلىسىندا عانا بەرىلەدى. ءبىراق كەلىسىم بويىنشا اۋىلدى جەرلەرگە جۇمىسقا باراتىن ماماندار بەس جىل قىزمەت ەتۋ مىندەتتەلەدى. بۇعان دەيىن بۇل مەرزىم ءۇش جىل بولاتىن. سونداي- اق، وبلىستىڭ دەنساۋلىق ساقتاۋ سالاسىندا كەشەندى مەديتسينالىق مەديتسينالىق اقپاراتتىق جۇيە ەنگىزىلۋدە. بۇل ماقساتتا 8582 كومپيۋتەرلىك تەحنيكا ساتىپ الىنعان. جىلدىڭ سوڭىنا دەيىن وبلىستىڭ بارلىق مەديتسينالىق ۇيىمدارى 100 پايىز كومپيۋتەرلەنەدى.
ءبىرىڭعاي سەرۆەر مەديتسينالىق ۇيىمدارىن پاتسيەنت تۋرالى ەلەكتروندىق اقپارات الماسۋ ءۇشىن بايلانىستىرادى. جيناق اقپارات اۆتوماتتاندىرىلعان تۇردە جەرگىلىكتى اتقارۋشى ورگاندارداعى سيتۋاتسيالىق ورتالىققتا تۇسەدى. قاعاز تۇرىندەگى قۇجات اينالىمى ازايادى، بۇل ءوز كەزەگىندە پاتسيەنتتەردىڭ مەديتسينالىق ۇيىمدارى اراسىندا بوستان- بوس ءجۇرۋىن ەداۋىر قىسقارتادى. وسىلايشا وڭتۇستىك تۇرعىندارى رەسپۋبليكادا العاشقى بولىپ ەلەكتروندىق دەنساۋلىق پاسپورتتارىن الادى.
