08:37, 28 - تامىز 2017 | GMT +5
قىتايدا 1 اپتادا ەكىنشى رەت تايفۋن سوقتى
استانا. قازاقپارات - جەكسەنبى كۇنى تاڭەرتەڭ قىتايدىڭ وڭتۇستىك ايماعىنا «پاكحار» تايفۋنى ءتوندى.
قۋاتتى داۋىل قىتايدا ءبىر اپتادا ەكىنشى رەت قايتالانىپ وتىر، دەپ حابارلايدى قىتايدىڭ ورتالىق تەلەارناسى.
تايفۋن گۋاڭدۇڭ پروۆينسياسىنداعى تايشان قالاسىنىڭ جاعالاۋىنا جەرگىلىكتى ۋاقىتپەن شامامەن تاڭعى توعىزداردا جەتتى. ءزىلزالا وشاعىنداعى جەلدىڭ جىلدامدىعى سەكۋندىنا 33 مەترگە دەيىن، ياعني 12 بالل بولدى.
بۇعان دەيىن گونكونگ جانە ماكاوداعى ارنايى اكىمشىلىك اۋداندارىنىڭ بيلىگى «پاكحار» تايفۋنىنىڭ جاقىنداپ كەلە جاتقاندىعىنا بايلانىستى داۋىلدى قاۋىپتىلىكتىڭ سەگىزىنشى دەڭگەيىن حابارلاعان بولاتىن.
تايفۋننان زارداپ شەككەندەر مەن قازا بولعاندار تۋرالى اقپارات جوق.
