ەرتەڭ كوكپاردان 1 - الەم چەمپيوناتىنىڭ اقتىق سايىسى وتەدى

استانا. قازاقپارات - 27- تامىز كۇنى استاناداعى «قازانات» اتشابارىندا كوكپاردان I الەم چەمپيوناتىنىڭ فينالى وتەدى. كەشە ساعات 17.00-دە جارىستار اياقتالدى. ۇپاي ساندارى بويىنشا فينالعا شىققان ەكى كوماندا انىقتالدى. سونىمەن قاتار، 27- تامىز كۇنى ساعات 17.00-دە 3 - ورىن يەسى انىقتالسا، ساعات 18.00-دە اقتىق سايىس بولادى.

ايتا كەتەيىك، شارانىڭ ۇيىمداستىرۋشىلارى: ق ر مادەنيەت جانە سپورت مينيسترلىگى، ق ر «ۇلتتىق سپورت تۇرلەرى قاۋىمداستىعى».

 جارىسقا الەمنىڭ 11 مەملەكەتىنەن 200 جۋىق سپورتشى قاتىستى. جەرەبە ناتيجەسىندە «ا» توبىنا قىرعىزستان، تۇركيا، ا ق ش، وزبەكستان، موڭعوليا جانە تاجىكستان كىردى. «ب» توبىندا قازاقستان، ءازىربايجان، رەسەي، ۆەنگريا، قىتاي مەن اۋعانستان ونەر كورسەتتى. جارىستىڭ جالپى قورى - 18 ميلليون تەڭگەنى قۇرايدى. I ورىن - 10 ميلليون ت گ، II ورىن - 5 ميلليون ت گ، III ورىن - 3 ميلليون ت گ. ەرەجەگە سايكەس، شاباندوزدار سەركەنىڭ رەزەڭكە ءناقپىشىنىن قولعا ءتۇسىرىپ، قارسىلاسقا قولدان بەرمەي، قارسىلاس كوماندانىڭ شارتتى قاقپاسىنا ءدال لاقتىرىپ تۇسىرۋلەرى قاجەت.