پاريج ماڭىنداعى اتىستا 1 ادام مەرت بولدى

استانا. قازاقپارات - اتىس سەنبى كۇنى پاريجدىڭ باتىسىنداعى پلەزير قالاسىندا Burger King جەدەل تاماقتانۋ مەيرامحانالار جەلىسىندە ورىن الدى.

Le Parisien باسىلىمىنىڭ جازۋىنشا، ءبىر ادامدى اتىپ كەتكەن، دەپ حابارلايدى ت ا س س.

باسىلىمنىڭ مالىمەتىنشە، قىلمىسكەر ارنايى تۇراققا قويىلعان كولىكتە وتىرعان ەر ادامعا بىرنەشە مارتە وق اتقان.

ودان سوڭ وق اتقان ادام وقيعا ورنىنان ءىزىن سۋىتقان. پوليتسيا تەكسەرۋ امالدارىنا كىرىستى.