جەتىسۋلىقتار 1 - مامىر مەرەكەسىن ءسان- سالتاناتپەن اتاپ ءوتتى
تالدىقورعان قالاسىنداعى «جاستار» ساياباعىندا الۋان ۇلت وكىلدەرى وزدەرىنىڭ قولونەر تۋىندىلارىن، مادەنيەتىنەن سىر شەرتەتىن ۇلتتىق بۇيىمدارىن جۇرت نازارىنا ۇسىندى.
مەرەكەلىك ساحنادا تەاترلاندىرىلعان كورىنىس قويىلىپ، حورەوگرافيالىق ۇجىمدارى ەل بىرلىگىن پاش ەتەتىن ۇلتتىق بيلەردى بيلەدى. جينالعان جۇرتتى قالا اكىمى باعدات قاراسايەۆ قۇتتىقتاپ، تۇرعىندار مەن شاھار قوناقتارىنا يگى تىلەكتەرىن جولدادى.
قالا باسشىسى ءوز قۇتتىقتاۋىندا «تاتۋلىق تۋىن كۇللى الەمگە جەلبىرەتىپ، وزگەگە ۇلگى بولعان قازاقستان حالقى ىنتىماعىنىڭ ارقاسىندا بىرنەشە بيىك بەلەستەردى باعىندىرىپ كەلەدى» ، - دەپ اتاپ ءوتىپ، تاۋەلسىز قازاقستاننىڭ اشىق اسپانى استىندا بىرنەشە ۇلت پەن ۇلىستىڭ ءبىر انانىڭ بالاسىنداي تاتۋ- ءتاتتى عۇمىر كەشىپ جاتقانىن تىلگە تيەك ەتتى.
سونداي- اق ەلباسى ن. ءابىش ۇلىنىڭ «ءبىزدىڭ بىرەگەي جولىمىز- تەڭ قۇقىقتىلىق، ءبىر شاڭىراق استىندا ءومىر سۇرەتىن بارلىق ەتنوستىڭ بىرلىگى مەن كەلىسىمى حالىقتىڭ تىلەك قالاۋىمەن تاڭدالدى»، - دەگەن ويىن مىسالعا الىپ، ەلىمىزدىڭ باستى قورعاۋشى كۇشى - قوعامدىق كەلىسىم مەن ەتنوسارالىق ۇيلەسىمدى - ساقتاۋ قازاق ەلىنىڭ الدىندا تۇرعان باستى مىندەت دەپ ءمالىم ەتتى. الماتى وبلىسىندا 100-دەن استام ۇلت وكىلى بەرەكە- بىرلىكتە تۇرىپ جاتىر. 80-گە جۋىق ەتنو- مادەني بىرلەستىك جۇمىس ىستەيدى.
اۆتور: سامال قابىشيەۆا
