قازاقستان بيداي ەكسپورتىن 1 ميلليون تونناعا ارتتىرماق
دەپ حابارلايدى قازاقپارات.
ق ر ۇلتتىق ەكونوميكا ۆيتسە- ءمينيسترى ەرنار باكەنوۆ اتالعان زاڭ جوباسىن تانىستىرۋ بارىسىندا بۇل كەلىسىمدى راتيفيكاتسيالاۋ ي ى ۇ ەلدەرىمەن ساۋدا- ەكونوميكالىق ىنتىماقتاستىقتى كەڭەيتۋگە مۇمكىندىك بەرەتىنىن اتاپ ءوتتى.
«يسلام ىنتىماقتاستىعى ۇيىمى قاتىسۋشىلارىنىڭ سانى، گەوگرافيالىق اۋقىمى مەن مامانداندىرىلعان قۇرىلىمدار جەلىسى جاعىنان بىرىككەن ۇلتتار ۇيىمىنان كەيىنگى 56 مەملەكەتتى بىرىكتىرەتىن ءىرى حالىقارالىق ۇيىم. سوڭعى بەس جىلدا قازاقستاننىڭ جالپى تاۋار اينالىمىنداعى يىۇ- عا مۇشە ەلدەرمەن ساۋدا كولەمىنىڭ ۇلەسى ىلگەرىلەمەلى تۇردە ءوسىپ كەلەدى»، - دەدى ەرنار باكەنوۆ.
اتاپ ايتقاندا، ەگەر دە 2012 -جىلى ساۋدا كولەمىنىڭ ۇلەسى 7,2 پايىز بولسا، 2016 -جىلعى قاڭتار- قازاندا ي ى ۇ ەلدەرىنىڭ ۇلەسى 10,3 پايىزدى قۇرادى. ۆيسە- ءمينيستردىڭ سوزىنە قاراعاندا، ەلىمىزدىڭ ەكسپورتى قۇرىلىمىنىڭ نەگىزى بولىگىن اۋىل شارۋاشىلىعى ونىمدەرى قۇراپ وتىر.
«جالپى، اۋىل شارۋاشىلىعى ونىمدەرى ەكسپورتىن ارتتىرۋعا نيەتتىمىز. بۇگىن قاراستىرىلعان كەلىسىم بۇل باعىتتا ساۋدانى كەڭەيتۋگە جول اشادى جانە اتالعان ەلدەرگە استىق ەكسپورتىن تاعى 1 ميلليون تونناعا اتتىرۋعا مۇمكىندىك بەرەدى»، - دەدى باكەنوۆ.
تاراتىلعان مالىمەتتەرگە قاراعاندا، قازىرگى كەزدە قازاقستاننىڭ يىۇ ەلدەرىمەن تاۋار اينالىمى 6,3 ميلليارد ا ق ش دوللارىنا جەتكەن. «بۇگىندە يىۇ ەلدەرىنە 1,5 ميلليون تونناعا جۋىق بيداي ەكسپورتتاپ جاتىرمىز»، - دەدى ول.
وسى ورايدا ول قازىرگى كەزدە بيدايدى تاسىمالداۋ بويىنشا ناقتى ۋاعدالاستىقتار جوق ەكەنىن، الايدا ساۋدا- ساتتىقتى كەدەرگىسىز جاساۋ ءۇشىن قۇقىقتىق بازانى قامتاماسىز ەتۋ بويىنشا كەلىسسوزدەر جۇرگىزىلىپ جاتقاندىعىن اتاپ ءوتتى.
اۆتور: رۋسلان عابباسوۆ
