الەمدە بوسانۋدان كەيىنگى تۇنشىعۋدان 1 ميلليونعا جۋىق نارەستە كوز جۇمادى- ساراپشىلار
وسى رەتتە تۇركيادان كەلگەن ماماندار شەبەرلىكتى شىڭداۋ ماقساتىندا ارنايى كۋرس وتكىزىپ جاتىر. استاناداعى ەمدەۋ مەكەمەسى بازاسىندا ۇيىمداستىرىلعان شارا 4 كۇنگە سوزىلادى.
تۇرىك ىنتىماقتاستىق جانە ۇيلەستىرۋ اگەنتتىگى جاڭا تۋعان ءسابيدىڭ بويىنداعى كەيىنگە قالدىرۋعا بولمايتىن دەرتپەن كۇرەسۋ ماقساتىندا قۇرىلعان. اسفيكسيا، تىنىس الۋ جەتىسپەۋشىلىگى سياقتى اۋرۋلاردى 20 جىلدان بەرى زەرتتەپ كەلە جاتقان نەوناتولوگ شيرين گيۋۆەن قازاقستاندىق مامانداردىڭ دايارلىعىنا وڭ باعا بەردى.
شيرين گيۋۆەن، بالالار دەنساۋلىعى جانە بالالار اۋرۋلارى كلينيكاسىنىڭ مەڭگەرۋشىسى، ىستامبۇل:
ءبىز مۇندا تاجىريبە الماسۋعا كەلدىك. قازاقستانداعى نەوناتالوگ دارىگەرلەردىڭ ءبىلىم- بىلىكتىلىگى ماقتاۋعا تۇرارلىق. الەمدىك تالاپتارعا ساي جۇمىس جۇرگىزىلىپ جاتىر. الداعى ۋاقىتتا بىرلەسكەن جوبا جالعاسىن تابادى دەپ سەنەمىز.
شەبەرلىك شىڭداۋ شاراسىنا اقمولا جانە شىعىس قازاقستان وبلىستارىنان 60-قا تارتا دارىگەرلەر شاقىرىلعان. جاڭا تۋعان نارەستەگە رەانيماتسيالىق كومەك كورسەتۋدى جەتىلدىرۋ ءۇشىن مەديتسينا ماماندارى زاماناۋي قۇرىلعىلاردى قولدانىپ جاتىر. رەسپۋبليكا بويىنشا اسفيكسيالىق جاعداي ءجيى كەزىگە قويمايدى. ءبىراق، دارىگەرلەردىڭ دايىندىعى قاشان دا جوعارى بولۋ كەرەك دەيدى، - ماماندار.
جاننا مۇقانوۆا، شەبەرلىك سىنىبىنا قاتىسۋشى، ش ق و:
نەگىزىنەن پراكتيكالىق جۇمىستارمەن اينالىسىپ جاتىرمىز. العاشىندا ءدارىس وقىلدى. ەندى تاقىرىپ بويىنشا ناقتى ىسكە كىرىسىپ تاجىريبە الماسۋدامىز.
رەسپۋبليكا بويىنشا نەوناتولوگ دارىگەرلەردىڭ تاپشىلىعى بايقالادى. كادر جەتىسپەۋشىلىگى ماسەلەسى وسىنداي ءبىلىم جەتىلدىرۋ كۋرستارى ارقىلى شەشىلمەك.
ASTANATV. KZ
