پاۆلوداردا شەنەۋنىك كونياك پەن كونفەت العانى ءۇشىن 1 ميلليوننان استام ايىپپۇل تولەيدى

پاۆلودار. قازاقپارات - پاۆلوداردىڭ مامانداندىرىلعان اكىمشىلىك سوتى شەنەۋنىككە 600 ايلىق ەسەپتىك كورسەتكىش ايىپپۇل سالدى، دەپ حابارلادى «قازاقپارات» ح ا ا ءتىلشىسى.

 جەلتوقساننىڭ اياعىندا، سوتتىڭ باسپا ءسوز قىزمەتىندە حابارلاعانداي، كوميتەتتىڭ مەديتسينالىق قىزمەتتى تولەۋ دەپارتامەنتىنىڭ قىزمەتكەرى 0,5 ليتر كونياك پەن ءبىر كەلى كونفەت جانە ا5 فورماتتى كۇندەلىكتى سىيعا العان. بۇل ارەكەت قازاقستاننىڭ ا ق ت ك 677-بابى بويىنشا جازالانادى.

 سوت مەملەكەتتىك قىزمەتشى سىيلىقتى العانى ءۇشىن 600 ا ە ك كولەمىندە نەمەسە  1  ميلليون 361 مىڭ تەڭگە ايىپپۇل تولەۋ ۇكىمىن شىعاردى.

پاۆلودار مامانداندىرىلعان اكىمشىلىك سوتىندا تۇسىندىرگەندەي، سىيلىقتىڭ جالپى قۇنى 3200 تەڭگەنى قۇراعان. ەگەر سىيلىق 2 ايلىق ەسەپتىك كورسەتكىشتەن قىمبات بولسا، قىلمىستىق جازاعا تارتىلعان بولار ەدى.

ۇكىم زاڭدى كۇشىنە ەنگەن جوق.