وتكەن جىلى ەلوردا بيۋدجەتىنە تۇڭعىش رەت 1 تريلليون تەڭگە ءتۇستى
بۇل تۋرالى ەلوردا اكىمى اسەت يسەكەشەۆتىڭ قۇتىقتاۋىندا ايتىلعان. اكىمنىڭ قۇتتىقتاۋى astana.gov.kz سايتىندا جاريا ەتىلدى. سونداي-اق وندا ەل بيۋدجەتىنىڭ 18 پايىزىن قۇراپ وتىرعان استانا رەسپۋبليكاداعى دونورلىق ايماققا اينالعانى ايتىلعان.
سونداي-اق، وسى جىلى 2 ميلليون شارشى مەتر تۇرعىن ءۇي پايدالانۋعا بەرىلگەن. بۇل 2015-جىلمەن سالىستىرعاندا 1,8 ەسەگە ارتىق بولىپ وتىر.
«ەلىمىز تاعى ءبىر جىلدى ەڭسەرىپ، كۇنتىزبەدە جاڭا جىلدىڭ بەتى ايقارا اشىلدى. تاريح قويناۋىنا اتتانعالى تۇرعان جىل ەلىمىز ءۇشىن جەمىستى بولدى. ءبىز تاۋەلسىزدىكتىڭ جيىرما بەس جىلدىق بەلەسىن زور تابىسپەن قارسى الدىق. ەلباسىنىڭ ساليقالى ساياساتىنىڭ ارقاسىندا شيرەك عاسىردا بۇكىل الەم قازاقستاندى وزگەلەرمەن تەرەزەسى تەڭ، قۋاتتى ءارى مەرەيلى مەملەكەت رەتىندە تانىدى. ءبىز كەلەر جىلى دا وسى قارقىندى ەسەلەيتىن اۋقىمدى جۇمىستار جۇرگىزەتىن بولامىز. ەلباسىنىڭ بەكىتكەن باعدارى - ايقىن، مۇرات-ماقساتى - بيىك»، - دەلىنگەن شاحار باسشىسىنىڭ قۇتتىقتاۋىندا.
