استانادا بالالار اراسىندا 1- قىسقى سپورت فەستيۆالى ءوتتى - كەسكىن

استانا. قازاقپارات - بۇگىن مۇمكىندىگى شەكتەۋلى بالالار مەن از قامتىلعان وتباسىنان شىققان بۇلدىرشىندەر ءۇشىن العاشقى قىسقى سپورت فەستيۆالى ءوتتى.

تاۋەلسىزدىكتىڭ 25 جىلدىعىنا ارنالعان سالتاناتتى شاراعا مۇرىندىق بولعان ق ر تۇڭعىش پرەزيدەنتى - ەلباسىنىڭ قورى. كۇننىڭ قولايسىزدىعىنا قاراماستان، بالالار 8 كومانداعا ءبولىنىپ، حوككەي مەن شاڭعىدان سىنعا ءتۇستى. 8-12 جاس ارالىعىنداعى جەتكىنشەكتەر سىرعاناپ، ال ودان ۇلكەندەرى شاڭعى جارىسىنان ءوزارا مىقتىنى انىقتادى. «استانا» حوككەي كومانداسىنىڭ جاس مۇشەلەرى مۇز ايدىنىندا شايبالى حوككەيدەن شەبەرلىك بايقاستى.

ايتا كەتەيىك، 250 دەن استام بالا قاتىسقان العاشقى فەستيۆال ەندى رەسپۋبليكالىق دەڭگەيدە جىل سايىن ۇيىمداستىرىلاتىن بولادى.

سۇلتان ايتجانوۆ، ق ر تۇڭعىش پرەزيدەنتى - ەلباسى قورى اتقارۋشى ديرەكتورىنىڭ ورىنباسارى: - بۇل فەستيۆالدىڭ ماقساتى - بالالاردى سپورتقا قاتىستىرۋ ارقىلى ءوز جەتىستىكتەرىن كورسەتۋ، ومىردەگى جولىن تاڭداۋ. اۋا رايىنا قاراماستان بالالار قاتىسىپ، ويناپ، وسىعان بەلسەندى قاتىسىپ جاتىر.