10:48, 16 - جەلتوقسان 2016 | GMT +5
امەريكالىق ينتەرنەت كومپانياسىنان 1 ميلليارد قولدانۋشىنىڭ مالىمەتى ۇرلاندى
استانا. قازاقپارات - امەريكالىق Yahoo ينتەرنەت كومپانياسىنان 1 ميلليارد قولدانۋشىنىڭ جەكە مالىمەتى ۇرلانعان كورىنەدى، دەپ جازادى «حابار 24».
كومپانيا وكىلدەرىنىڭ ايتۋىنشا، حاكەرلەر شابۋىلى 2013 -جىلى جاسالعان. بەلگىسىز كيبەر قاراقشىلار Yahoo قولدانۋشىلارىنىڭ اتى-ءجونى مەن تۋعان كۇنى، تەلەفون ءنومىرى، ەلەكتروندى پاراقشالارى مەن كىلت سوزدەرىن ۇرلاعان. دەگەنمەن نەسيە كارتالارى مەن بانك ەسەپشوتتارى قاراقشىلاردىڭ قولىنا تۇسپەگەن. قىركۇيەك ايىندا ءدال وسى كومپانيا 2014 -جىلى حاكەرلەر شابۋىلىنان 500 ميلليون ادامنىڭ اككاۋنتى ۇرلاندى دەپ مالىمدەگەن بولاتىن.
ول كەزدە Yahoo قاراقشىلىق ارەكەتتىڭ ارتىندا ءبۇتىن ءبىر ەلدىڭ ۇكىمەتى تۇرعانىن ايتقان ەدى. الايدا قاي مەملەكەت ەكەنىن اتاپ ايتپادى. ال ماماندار بۇل ەكى شابۋىلدىڭ ءبىر-بىرىنە قاتىسى جوق دەپ وتىر.
