استانالىقتار كۇنىنە 1 مىڭ تونناعا جۋىق قوقىس تاستايدى

 استانا. قازاقپارات - استانا قالاسىنىڭ اۋماعىنان كۇن سايىن جينالاتىن قاتتى تۇرمىستىق قالدىقتار (ق ت ق) كولەمى ورتا ەسەپپەن 969 توننانى قۇرايدى.

 جالپى قالادا 2 مىڭعا جۋىق ارنايى الاڭعا  12455 كونتەينەر ورنالاستىرىلعان، دەپ حابارلايدى قازاقپارات ەلوردا اكىمدىگىنىڭ باسپا ءسوز قىزمەتىنە سىلتەمە جاساپ.

«اباتتاندىرۋ، سانيتارلىق جابدىقتاۋ، جيناۋ جۇمىستارىن ۇيىمداستىرۋ جانە استانا قالاسىنىڭ اۋماعىندا تازالىقتى قامتاماسىز ەتۋ قاعيدالارىنا سايكەس، قاتتى تۇرمىستىق قالدىقتاردى جيناۋ مەن تاسىمالداۋدى مامانداندىرىلعان ۇيىمدار ىسكە اسىرادى.

قالا اۋماعى 24 تەلىمگە بولىنگەن. قازىرگى كەزدە ەلوردادا «استانا- تازارتۋ» ج ش س (23 تەلىم) جانە «تازا الەم- استانا» ج ش س (1 تەلىم) ق ت ق- نى جيناۋمەن جانە تاسىمالداۋمەن اينالىسادى. سونىمەن قاتار، 90 نان استام ارنايى تەحنيكا جۇمىلدىرىلعان»، - دەپ مالىمدەدى اكىمدىكتەن.

ايتا كەتەيىك، ق ت ق- نى شىعارۋ قۇنى ەلوردالىقتار ءۇشىن: جايلى سەكتوردا ءبىر تۇرعىننان ايىنا 259,2 تەڭگەنى، جەكە سەكتوردا 276 تەڭگەنى قۇرايدى.