گەرمانيادا جىلىنا 1 ەۋرو تولەپ پاتەر جالداۋعا بولادى
ول ءۇشىن تەك ءۇش قاعيداعا سايكەس كەلسەڭىز جەتكىلىكتى، دەپ جازادى ماسساگەت. ك ز.
1521 - جىلى تانىمال بانك مامانى ياكوب فۋگگەردىڭ جاساپ كەتكەن جوباسى ءالى كۇنگە دەيىن ءوز جالعاسىن تابۋدا. «فۋگگەريا» ەسىمىمەن نەمىس جۇرتشىلىعىنا تانىس مەكەن 500 جىل وتسە دە، ءوز قۇندىلىعىن جوعالتپاعان. سول ۋاقىتتا اتالعان جوبانىڭ نەگىزىن قالاۋشى ازامات ءوزىنىڭ سالعان ۇيىنە ادامداردى تەگىن تۇرعىزۋعا ۇندەۋ تاستاعان. ول ءۇشىن تەك ءۇش قاعيدادان سۇرىنبەي ءوتۋ كەرەك.
پاتەرگە كەزەككە تۇرۋشىلارعا مىنانداي قاعيدالار كورسەتىلگەن. ەڭ ءبىرىنشى اۋگسبۋرگ قالاسىنان بولۋى ءتيىس. ال ەكىنشىدەن، كاتوليك ءدىنىن ۇستانسا، ۇشىنشىدەن كەدەي بولۋى مىندەتتى. بۇگىنگى تاڭدا مۇندا 150 تۇرعىن ءومىر سۇرەدى. 140 پاتەرگە يەلىك ەتىپ وتىرعان جاندارعا ارنايى كۇزەتشى دە قويىلعان. تۇرعىن ءۇيدىڭ قاقپاسى تۇڭگى 10-دا جابىلىپ، تاڭعى 5-تە اشىلادى. ال كورسەتىلگەن ۋاقىتتان كەشىككەن ءۇي يەلەرى 50 سەنت تولەپ، بولمەلەرىنە جايعاسادى. بۇل اسا ءىرى كولەمدەگى سوما ەمەس، الايدا «فۋگگەريا» مەكەنىنىڭ جارتى جىلدىق پاتەر اقىسى. مۇنىمەن قوسا كومۋنالدىق تولەم جىلدىق قارجىدان بولەك تولەنەدى.
«فۋگگەريا» - كونە عيماراتتاردىڭ ءبىرى. بۇل جەرگە تۋريستەر ارنايى ات باسىن بۇرىپ، 500 جىلدىق وركەنيەتتىڭ قالاشىعىمەن تانىسىپ كەتەدى. اتالعان جوبانى جاۋىپ تاستاۋدى ءالى ەشكىم ويىنا دا الماعان.
